Hoseya 3 - Tonga Bible 1986

Hoseya ndi muwoli wake wambura magomekezgeka

¹ Ndipo Ambuya anguti kwaku ine, “Kanga so, ndi umwanje muwoli wako wakwanjika ndi bwezi lake, ndipo ndi mureŵi; nge ndimo Ambuya atanjiya ŵaYisraele, chingana iwo ŵagarukiya ku ŵachiuta ŵanyake ndi kwanja maburunga gha mphereska zakumira.”

² Viyo ndingumugula ndi ndrama za siliva chumi pachanya zinkhonde (15) ndi chipimo chimoza ndi nusu wa barile.

³ Ndipo ndinguti kwaku iyo, “Utenere kuja ndi ine kuŵa wangu kwa mazuŵa ghanandi. Ungachitanga ureŵi cha, pamwenga ungaŵanga wa munthurumi munyake cha; viyo ndimo nane ndiŵiyenge kwaku iwe.”

⁴ Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

⁵ Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.