Ezra 2 - Tonga Bible 1986

Unandi waku wo ŵanguwe ku umkoli

¹ Yaŵa ndiwo ŵanthu ŵamu charu wo ŵanguruta kutuwa mu umkoli, ŵaku wo ŵanguyoreka ndi Nebukadanezara karonga waku Babiloni kuruta nawo ku Babiloni. Ŵanguwere ku Yerusalemu ndi Yuda, munthu yose ku muzi wake.

² Ŵanguza pamoza ndi Zerubabele, Yoshua, Nehemiya, Seraya, Reelaya, Mordekayi, Bilisani, Misipara, Bigivayi, Rehumu, ndi Bana.

³ Unandi wa ŵanthurumi ŵaYisraele wenga viyo: ŴaParoso, vikwi viŵi, ndi machumi pe chumi pachanya machumi ghankhonde ndi ghaŵi ndi ŵaŵi (2,172).

⁴ ŴaShefatiya, machumi pe chumi ghatatu, pachanya machumi ghankhonde ndi ghaŵi ndi ŵaŵi (372).

⁵ ŴaAra, machumi pe chumi ghankhonde ndi ghaŵi, pachanya machumi ghankhonde ndi ghaŵi ndi ŵankhonde (775).

⁶ ŴaPahatamoabu, ŵenga ŵana ŵaku Yoshua ndi Yoabu, vikwi viŵi ndi machumi pe chumi ghankhonde ndi ghatatu, pachanya chumi limoza ndi ŵaŵi (2,812).

⁷ ŴaElama, chikwi chimoza ndi machumi pe chumi ghaŵi, pachanya machumi ghankhonde ndi ŵanayi (1,254).

⁸ ŴaZatu, machumi pe chumi ghankhonde ndi ghanayi, pachanya machumi ghanayi ndi ŵankhonde (945).

⁹ ŴaZakayi, machumi pe chumi ghankhonde ndi ghaŵi, pachanya machumi ghankhonde ndi limoza (710).

¹⁰ ŴaBani, machumi pe chumi ghankhonde ndi limoza, pachanya machumi ghanayi ndi ŵaŵi (642).

¹¹ ŴaBebayi, machumi pe chumi ghankhonde ndi limoza, pachanya machumi ghaŵi ndi ŵatatu (623).

¹² ŴaAzagada, chikwi chimoza, ndi machumi pe chumi ghaŵi, pachanya machumi ghaŵi ndi ŵaŵi (1,222).

¹³ ŴaAdonikama, machumi pe chumi ghankhonde ndi limoza pachanya machumi ghankhonde ndi limoza ndi ŵankhonde ndi yumoza (666).

¹⁴ ŴaBigivayi, vikwi viŵi, pachanya machumi ghankhonde ndi wankhonde ndi yumoza (2,056).

¹⁵ ŴaAdani, machumi pe chumi ghanayi, pachanya machumi ghankhonde ndi ŵanayi (454).

¹⁶ ŴaAtere, yo ndi Hezekiya, machumi ghankhonde ndi ghanayi, pachanya wankhonde ndi ŵatatu (98).

¹⁷ ŴaBezayi, machumi pe chumi ghatatu pachanya machumi ghaŵi ndi ŵatatu (323).

¹⁸ ŴaYora, machumi pe chumi pachanya chumi limoza ndi ŵaŵi (112).

¹⁹ ŴaHazumu, machumi pe chumi ghaŵi, pachanya machumi ghaŵi ndi ŵatatu (223).

²⁰ ŴaGibara, machumi ghankhonde ndi ghanayi pachanya ŵankhonde (95).

²¹ ŴaBetelehemu, machumi pe chumi, pachanya, machumi ghaŵi ndi ŵatatu (123).

²² ŴaNetofa, machumi ghankhonde pachanya, ŵankhonde ndi yumoza (56).

²³ Ŵaku Anatoto, machumi pe chumi, pachanya machumi ghaŵi ndi ŵankhonde ndi ŵatatu (128).

²⁴ ŴaAzamavete, machumi ghanayi pachanya ŵaŵi (42).

²⁵ Kiriatarimi, Kefira, ndi Beroto, machumi pe chumi ghankhonde ndi ghaŵi, pachanya, machumi ghanayi ndi ŵatatu (743).

²⁶ ŴaRama ndi Geba machumi pe chumi ndi limoza, pachanya, machumi ghaŵi ndi yumoza (621).

²⁷ Ŵaku Mikamasa, machumi pe chumi, pachanya machumi ghaŵi ndi ŵaŵi (122).

²⁸ Ŵaku Betele ndi Ai, machumi pe chumi ghaŵi, pachanya machumi ghaŵi ndi ŵatatu (123).

²⁹ ŴaNebo, machumi ghankhonde pachanya ŵaŵi (521).

³⁰ ŴaMagabisa, machumi pe chumi, pachanya machumi ghankhonde, ndi ŵankhonde ndi yumoza (156).

³¹ ŴaElama munyake, chikwi chimoza, ndi machumi pe chumi ghaŵi, pachanya machumi ghankhonde ndi ŵanayi (1,254).

³² ŴaHarimi, machumi pe chumi ghatatu pachanya machumi ghaŵi (320).

³³ ŴaLodo, Hadidi, ndi Ono, machumi pe chumi ghankhonde ndi ghaŵi, pachanya machumi ghaŵi ndi ŵankhonde (725).

³⁴ ŴaYeriko, machumi pe chumi ghatatu, pachanya machumi ghanayi ndi ŵankhonde (345).

³⁵ ŴaSena, vikwi vitatu, pachanya machumi pe chumi ghankhonde ndi limoza, ndi machumi ghatatu (3,630).

³⁶ Ŵazukuru: ŴaYedaya, ŵa ŵina Yeshua, machumi pe chumi ghankhonde ndi ghanayi ndi machumi ghankhonde ndi ghaŵi, pachanya ŵatatu (973).

³⁷ ŴaImere chikwi chimoza, pachanya machumi ghankhonde ndi ŵaŵi (1,052).

³⁸ ŴaPasuru, chikwi chimoza ndi machumi pe chumi ghaŵi pachanya machumi ghanayi ndi ŵankhonde ndi ŵaŵi (1,247).

³⁹ ŴaHarimi, chikwi chimoza, pachanya chumi limoza ndi ŵankhonde ndi ŵaŵi (1,017).

⁴⁰ ŴaLevi: ŵaku Yeshua ndi ŵaku Kamiele, ŵaHodaviya, machumi ghankhonde, ndi ghaŵi pachanya ŵanayi (74).

⁴¹ Ŵakumba: ŵaAsafi, machumi pe chumi pachanya machumi ghaŵi ndi ŵankhonde ndi ŵatatu (128).

⁴² Ŵana ŵa ŵalinda malikomo: ŵaShalumu, ŵa Atere, ŵaTalamono, ŵaAkubu, ŵaHatita, ndi ŵaShobayi, pamoza wose ŵenga machumi pe chumi pachanya machumi ghatatu ndi ŵankhonde ndi ŵanayi (139).

⁴³ Ŵateŵeti ŵamu Kasopi ŵaZiha, ŵaHasufa, ŵaTabaoto,

⁴⁴ ŵaKeroso, ŵaSiaha, ŵaPadono,

⁴⁵ ŵaLebana, ŵaHagaba, ŵaAkubu,

⁴⁶ ŵaHagaba, ŵaShamalayi, ŵaHanana,

⁴⁷ ŵaGidele, ŵaGahara, ŵaReaya,

⁴⁸ ŵaRizini, ŵaNakoda, ŵaGazama,

⁴⁹ ŵaUza, ŵaPaseya, ŵaBesayi,

⁵⁰ ŵaAsana, ŵaMeunimi,

⁵¹ ŵaBakabuku, ŵaHakufa, ŵaHarahuru,

⁵² ŵaBazalutu, ŵaMehida, ŵaHarasa,

⁵³ ŵaBarakoso, ŵaSisera,

⁵⁴ ŵaNeziya, ndi ŵaHatifa.

⁵⁵ Ŵana ŵa ŵateŵeti ŵaku Solomoni: ŵaSotayi, ŵaHasoferete, ŵaPeruda,

⁵⁶ ŵaYala, ŵaDarakono, ŵaGidele,

⁵⁷ ŵaShefatiya, ŵaHatili, ŵaPokeretehazebaimi, ndi ŵaAmi.

⁵⁸ Ŵateŵeti ŵaku Solomoni, ŵenga machumi pe chumi ghatatu, ndi machumi ghankhonde ndi ghanayi pachanya ŵaŵi (392).

⁵⁹ Yaŵa ndiwo ŵangutuwa ku Telemele ndi ku Teleharasa, ndi ku Kerubi, ndi ku Adana, ndi ku Imere, chingana ŵengavi kuziŵiska nyumba za ŵauskeu, pamwenga kapapikidu kawo, kuti ŵenga ŵaYisraele:

⁶⁰ ŴaDelaya, ŵaTobiya, ndi ŵaNekoda, machumi pe chumi ghankhonde ndi limoza, pachanya machumi ghankhonde ndi, ŵaŵi (652).

⁶¹ Ŵana ŵa ŵazukuru: ŵaHabaya, ŵaHekozo, ndi ŵana ŵaku Barazilayi, yo wanguto muwoli mu ŵana ŵaku Barazilayi mwina Gileada, ndipo ŵadanikanga ndi zina lawo.

⁶² Yaŵa ŵakhumbanga kulembeka mukati mwaku wo ŵanguŵerengeka mu kawidu kawo, kweni kuti ŵangusanirikamo cha, viyo ŵangutuzgika mu uzukuru chifukwa chambura kutozgeka.

⁶³ Mumirizi wanguŵanene kuti ŵareke kurgha vinthu vyakupaturika, mpaka mzukuru wafumbe mphenduzga ya Urimi ndi Tumimi.

⁶⁴ Wumba wose wenga, vikwi machumi ghanayi ndi viŵi ndi machumi pe chumi ghatatu, pachanya machumi ghankhonde ndi limoza (42,360),

⁶⁵ kwambura kusazgako ŵanthurumi ndi ŵanthukazi ŵawo wo ŵenga, vikwi vinkhonde ndi viŵi, ndi machumi pe chumi ghatatu, ndi machumi ghatatu pachanya ŵankhonde ndi ŵaŵi (7,337), ndipo ŵenga nawo ŵakumba ŵanthurumi ndi ŵanthukazi, machumi pe chumi ghaŵi (200).

⁶⁶ Ŵenga ndi ŵakavalo, machumi pe chumi ghankhonde ndi ghaŵi ndi machumi ghatatu pachanya ŵankhonde ndi yumoza (736), myulu zawo machumi pe chumi ghaŵi ndi machumi ghanayi, pachanya zinkhonde (245),

⁶⁷ wagamila ŵawo, machumi pe chumi ghanayi ndi machumi ghatatu, pachanya ŵankhonde (435).

⁶⁸ Ŵara ŵanyake ŵa mafuku ŵanguti ŵaza ku nyumba yaku Chiuta mu Yerusalemu, ŵaperekanga kwawanangwa chifukwa cha nyumba yaku Chiuta kuti yizengeke so mu malo ghake;

⁶⁹ mo ŵenge navyo ŵangupereka pa vyuma vya mlimu, ndrama za golide vikwi machumi ghankhonde ndi limoza ndi chimoza (61,000), ndi ndrama za siliva, vikwi vinkhonde (5,000) ndi maraya gha uzukuru, machumi pe chumi (100).

⁷⁰ Ŵazukuru ndi ŵaLevi ndi ŵanthu ŵanyake ŵajanga mu Yerusalemu. Ŵakumba ndi ŵalinda malikomo, ndi ŵateŵeti mu kasopi, ŵajanga mu mizi yawo ndi ŵaYisraele wose mu mizi yawo.