Ezra 10 - Tonga Bible 1986

¹ Po Ezra wanguromba ndi kuzomera uheni, kuliya ndi kuwa pasi paurongo pa myumba yaku Chiuta, unguwungana kwaku iyo mzinda ukuru wa ŵanthurumi ndi ŵanthukazi ndi ŵana chifukwa ŵanthu ŵanguliya ukongwa.

² Ndipo Sekaniya, mwana waku Yehiele wa ŵaElama, wanguti kwaku Ezra, “Tamunangiya Chiuta widu, tato ŵanthukazi ŵalendo ŵa ŵanthu ŵa mu charu, kweni nanga ndi sono chiriko chigomezgu mwaku Yisraele.

³ Viyo sono tiyeni tichite phanganu ndi Chiuta widu, kureka ŵanthukazi wose ndi wo ŵapapika mwawo, kulingana ndi fundu ya mbuya wangu, ndi yaku wose wo ŵatenthema pa dangu laku Chiuta widu, ndipo tichite kuyana ndi dangu.

⁴ Sokani, mlando uwu ngwinu, ndipo ifwe te namwe; khwimani mtima kuchichita.”

⁵ Ndipo wangusoka Ezra, ndipo wanguŵarapiska ŵara ŵa ŵazukuru ndi ŵaLevi, ndi ŵaYisraele wose.

Wumba ukuru

⁶ Ndipo Ezra wangusoka paurongo pa nyumba yaku Chiuta, wangusere mu chipinda cha nyumba yaku Yohanana mwana waku Eliasibi. Wangujamo kwambura kurgha ndi kumwa chifukwa wanguriliya kunanga kwaku wo ŵanguwe ku umkoli.

⁷ Ndipo mazu ghanguruta kwaku wose mu Yuda ndi Yerusalemu;

⁸ ndi kuti yo warekenge kufika mu mazuŵa ghatatu kwakuyana ndi fundu ya nduna ndi ŵaraŵara, vyuma vyose viphangike, iyo mweneko watuzgikeko ku wumba waku wo ŵakuweko ku umkoli.

⁹ Ndipo wose ŵaku Yuda ndi ŵaku Benjamini ŵanguwungana ku Yerusalemu mu mazuŵa ghatatu; wenga mwezi wa chinkhonde ndi chinayi, zuŵa la machumi ghaŵi la mwezi. Ŵanthu wose ŵanguja pasi mu bwalo paurongo pa nyumba yaku Chiuta ŵakumbwambwantha chifukwa cha mlando wo, ndi chifukwa cha vuwa yikuru.

¹⁰ Ndipo Ezra mzukuru wanguma wanguti, “Imwe mwananga pakujitore ŵanthukazi ŵachilendo, mwakuzga kunanga kwaku Yisraele.

¹¹ Zomerani sono ku Ambuya Chiuta wa ŵambuyafwe, ndipo muchite chakumkondweska; mujigawuwe ku ŵeneko charu ndi ku ŵanthukazi ŵachilendo.”

¹² Ndipo ŵanthu wose ŵangwamuka, ŵanguti ndi mazu ghakuru, “Inya kweviyo; tikwenere kuchita mo mwakambiya.

¹³ Kweni ŵanthu mbanandi ndipo ndi nyengo ya vuwa yinanditilivi nthazi kuma ku bwalo. Ndipo so mlimu uwu, kuti ngwa zuŵa limoza pamwenga ngaŵi cha chifukwa tananga ukongwa mu chinthu ichi.

¹⁴ Ŵamirizi ŵidu wose ŵamiriye wumba wose; ndipo mu mizi yidu, yose wo ŵanguto ŵanthukazi ŵa chilendo ŵazi pa nyengo yakutemeka, pamoza ndi ŵaraŵara, ndi ŵeruzgi ŵa msumba we wose; mpaka utuwe kwaku ifwe ukari wakofya waku Chiuta chifukwa cha mlando uwu.”

¹⁵ Kweni Yonafani mwana waku Ashele ndi Yahazeya mwana waku Tikiva ndiwo pe ŵangususka fundu iyi; ndipo Mesulama ndi Sebatayi muLevi ŵanguyirumba.

¹⁶ Ndipo ŵanthu ŵakuwe ku umkoli ŵanguchita viyo. Ezra mzukuru wangusankha ŵaraŵara, ŵarongozgi ŵa mbumba kwakuyana ndi mbumba zawo, wose ŵanguzumbulika mazina. Pa zuŵa lakudanga la mwezi wa chumi ŵanguja pasi kukamba mlando.

¹⁷ Ndipo ŵangumara mlando wakujitole ŵanthukazi ŵa chilendo pa zuŵa lakudanga la mwezi wakudanga.

¹⁸ Ŵana ŵa ŵazukuru wo ŵangusanirika kuti ŵangujitole ŵanthukazi ŵa chilendo ndi yaŵa: Maseya, Eliezere, Yaribi ndi Gedaliya ŵana ŵaku Yeshua, mwana waku Yozadaka ndi ŵabali ŵake.

¹⁹ Ŵanguzomera kuti ŵarekenge ŵawoli ŵawo, ndipo sembe yawo yenga mberere yinthurumi ya mu mskambu chifukwa cha kunanga kwawo.

²⁰ Ku ŵana ŵaku Imere: Hanani ndi Zebadiya.

²¹ Ku ŵana ŵaku Harimi: Maseya, Eliya, Semaya, Yehiele, ndi Uziya.

²² Ku ŵana ŵaku Pasuru: Elioenai, Maseya, Isimaele, Netanele, Yozabada, ndi Elasa.

²³ Ku ŵaLevi: Yozabada, Simeyi, Kelaya yo ndi Kelita, Petaliya, Yuda, ndi Elezere.

²⁴ Ku ŵakumba: Eliasibi. Ku ŵalinda ŵa malikomo: Salumu, Teleme, ndi Uri.

²⁵ Ŵaku Yisraele: ku ŵana ŵaku Parosi: Ramia, Izia, Malakiya, Mijami, Eleazara, Hasabia, ndi Benaya.

²⁶ Ku ŵana ŵaku Elama: Mataniya, Zekariya, Yehiele, Abadi, Yeremoto, ndi Eliya.

²⁷ Ku ŵana ŵaku Zatu: Elioenai, Eliasibi, Mataniya, Yeremoto, Zabada, ndi Aziza.

²⁸ Ku ŵana ŵaku Bebai: Yehohanana, Hanania, Zabai ndi Atalai.

²⁹ Ku ŵana ŵaku Bani: Mesulama, Maluku, Adaya, Yasubu, Seala, ndi Yeremoto.

³⁰ Ku ŵana ŵaku Pahatamoaba: Adna, Chelala, Benayiya, Maseya, Mataniya, Bezalele, Binui, ndi Manase.

³¹ Ku ŵana ŵaku Harimi: Eliezere, Isiya Malakiya, Semaya, ndi Semeono,

³² Benjamini, Maluku, Semariya,

³³ Ku ŵana ŵaku Hasumu: Matenayi, Matata, Zabada, Elipelete, Yeremai, Manase, ndi Simei.

³⁴ Ku ŵana ŵaku Bani: Madai, Amramu, Uele,

³⁵ Benaya, Bedaya, ndi Keluhi,

³⁶ Vaniya, Meremoto ndi Eliasibi,

³⁷ Mataniya, Matenayi, ndi Jayasu.

³⁸ Ku ŵana ŵaku Binui: Simeyi,

³⁹ Selemiya, Natani, Adaiya,

⁴⁰ Makanadebai, Sasayi, Sarayi,

⁴¹ Azayarele, Selemiya, Semariya,

⁴² Salumu, Amariya, ndi Yosefe.

⁴³ Ku ŵana ŵaku Nebo: Yeyele, Matitiya, Zabada, Zebina, Yadayi, Yoele, ndi Benaya.

⁴⁴ Yaŵa wose ndiwo ŵanguto ŵanthukazi ŵa Chilendo, ndipo ŵanguŵareka pamoza ndi ŵana ŵawo.