Chiyambo 10 - Tonga Bible 1986

Mbumba yaku Nowa

¹ Iyi ndi mphapu ya ŵana ŵanthurumi ŵaku Nowa, Shemu, Hamu, ndi Yafete, ndipo kwaku iwo kungupapika ŵana ŵanthurumi pavuli pa zandi.

² Ŵana ŵanthurumi ŵaku Yafete; Gomere, Magogi, Mada, Yavani, Tubula, Meshek, ndi Tirasa.

³ Ŵana ŵanthurumi ŵaku Gomere Ashikenaza, Rifata, ndi Togarama.

⁴ Ŵana ŵanthurumi ŵaku Javana: Elisha, Tarshishi, Kitimi, ndi Dodanimi.

⁵ Kutuliya mwaku yaŵa ŵanguchpaliya ŵanthu ŵa mulikumba. Yaŵa mbana ŵanthurumi ŵaku Yafete mu vyaru vyawo, we yose ndi mazu ghake, mu mbumba zawo, mu mitundu yawo.

⁶ Ŵana ŵanthurumi ŵaku Hamu: Kushi, Ejupiti, Putu, ndi Kanani.

⁷ Ŵana ŵanthurumi ŵaku Kushu: Sebe, Havila, Sabita, Rama, ndi Sabiteke. Ŵana ŵanthurumi ŵaku Rama: Sheba ndi Dedana.

⁸ Kushi wangupapa Nimirode; ndiyu wenga wakudanga pa charu chapasi kuŵa chirimbi.

⁹ Wenga chiŵinda wakulimba paurongo pa Ambuya; chifukwa cho kuneneka “Uli ndi Nimirode chiŵinda wakulimba paurongo pa Ambuya.”

¹⁰ Kwamba kwa ufumu wake kwenga Babele, Ereke, ndi Akada, vyose ivi mu charu cha Shinara.

¹¹ Kutuwa ku charu chiya wanguruta ku Asiriya, ndi wanguzenge Nineve, RehobotiIri, Kala,

¹² ndi Resene pakati pa Nineve ndi Kala, wo ndiwo msumba ukuru.

¹³ Egipiti wangupapa Ludimi, Anamimu, Lehabimi, Naputuhimi,

¹⁴ Patrusimu, Kasluhimu mo mungutuwa ŵaFilisti ndi Kapatorimi.

¹⁵ Kanani wangupapa Sidoni wa umwali wake, ndi Hete,

¹⁶ ndi ŵaYebusi, ŵaAmori, ŵaGirgashi,

¹⁷ ŵaHivi, ŵaArki, ŵaSini,

¹⁸ ŵaArivadi ndi ŵaZemari ndi ŵaHamati, Pavuli mbumba za ŵaKanani zingusapatiya kwakurutiriya.

¹⁹ Ndipo charu cha ŵaKanani chingurutiriya Kwamba ku Sidoni mu mtunda wa Gerara, kufika mpaka ku Gaza, kulazga ku Sodomu, Gomora, Adama, ndi Zeboyimi kwachifika ku Lasha.

²⁰ Yaŵa mbana ŵanthurumi ŵaku Hamu, mu mbumba zawo, malilime ghawo, vyaru vyawo, ndi mitundu yawo.

²¹ Kwaku Shemu nako, wiske wa ŵana wose ŵaku Ebere, muku waku Yafete, kungupapika ŵana.

²² Ŵana ŵanthurumi ŵaku Shemu: Alama, Ashuru Arpakahadi, Ludi, ndi Aramu.

²³ Ŵana ŵanthurumi ŵaku Aramu: Uzi, Hulu, Getere, ndi Masha.

²⁴ Arpakahadi wangupapa Shela, ndipo Shela wangupapa Ebere.

²⁵ Kwaku Ebere kungupapika ŵana ŵanthurumi ŵaŵi, zina la yumoza lenga Pelege, pakuti mu mazuŵa ghake charu chapasi chingugaŵikana, ndipo zina la mhurwa wake, lenga Yokotani.

²⁶ Yokotani wangupapa Almodada, Shelepe, Hazaramavete, Jera,

²⁷ Hadoramu, Uzala, Dikila,

²⁸ OBala, Abimaele, Sheba,

²⁹ Ofiri, Havila ndi Yobaba; wose yaŵa ŵenga ŵana ŵanthurumi ŵaku Yokotani.

³⁰ Charu chenicho ŵajangamo chingurutiriya kutuwa ku Mesha kurata ku Sefara kuya ku charu cha mapiri cha ku vuma.

³¹ Yaŵa mbana ŵanthurumi ŵaku Shemu, mu mbumba zawo, malilime ghawo, vyaru vyawo, ndi mitunda yawo.

³² Izi ndi mbumba za ŵana ŵanthurumi ŵaku Nowa, ndi mphapu zawo, mu mitundu yawo, ndipo kuturiya mwaku yaŵa mitunda yingusapatiya kwakututiriya pa charu pavuli pa zandi.