1 Mikoka 6 - Tonga Bible 1986

Ŵana ŵaku Levi

¹ Ŵana ŵaku Levi: Gershomu, Kohati, ndi Merari.

² Ŵana ŵaku Kohati: Amramu, Izhara, Hebroni ndi Uzieli.

³ Ŵana ŵaku Amramu: Aroni, Mosese, ndi Miriamu. Ŵana ŵaku Aroni: Nadabu, Abihu, Eleazara ndi Itamara.

⁴ Eleazara wenga wiske waku Finiasi, Finiasi wangupapa Abishua,

⁵ Abishua wenga wiske waku Buki, Buki wenga wiske waku Uzi.

⁶ Uzi waku Zerahia, Zerahia waku Merayoti,

⁷ Merayoti waku Amariya, Amariya waku Ahitu,

⁸ Ahitu waku Zadoki, Zadoki waku Ahimazi,

⁹ Ahimazi waku Azariya, Azariya waku Johanani,

¹⁰ ndi Johanani waku Azariya (ndipo uyu wanguteŵeta nchitu ya uzukuru mu nyumba yo Solomoni wanguzenga mu Yerusalemu).

¹¹ Azariya wenga wiske waku Amariya, Amariya waku Ahitu,

¹² Ahitu waku Zadoki waku Shalumu,

¹³ Shalumu waku Hilkiya, Hilkiya waku Azariya,

¹⁴ Azariya waku Seraya, Seraya waku Yehozadaki;

¹⁵ Yehozadaki wanguruta ku umkoli pa nyengo yo Ambuya angutumiya ku umkoli Yuda ndi Yerusalemu ndi janja laku Nebukadanezara.

¹⁶ Ŵana ŵaku Levi: Gershomu, Kohati, ndi Merari.

¹⁷ Sono yagha ndi mazina gha ŵana ŵaku Gershomu: Libina ndi Shimei.

¹⁸ Ŵana ŵaku Kohati: Amramu, Izhara, Hebroni ndi Uzieli.

¹⁹ Ŵana ŵaku Merari: Mahili ndi Mushi, Izi ndi mbumba za ŵaLevi kwakuyana ndi auskeu.

²⁰ Ŵaku Gershomu: Libina mwana wake, Yahati mwana wake, Zima mwana wake,

²¹ Joya mwana wake, Ido mwana wake, Zera mwana wake, Jeyatera mwana wake.

²² Ŵana ŵaku Kohati: Aminadabu mwana wake, Kora mwana wake, Asiri mwana wake,

²³ Elkana mwana wake, Eliasafu mwana wake, Asiri mwana wake,

²⁴ Tahati mwana wake, Urieli mwana wake, Uziya mwana wake, ndi Shauli mwana wake.

²⁵ Ŵana ŵaku Elkana: Amasai ndi Ahimoto,

²⁶ Elkana mwana wake, Zofa mwana wake, Nahati mwana wake,

²⁷ Eliabu mwana wake, Yerohamu mwana wake, Elkana mwana wake.

²⁸ Ŵana ŵaku Samuele: Yoele wa umwali wake, Abija wa chiŵi.

²⁹ Ŵana ŵaku Merari: Mahili, Libina, mwana wake, Shimei mwana wake, Uza mwana wake,

³⁰ Shimeya mwana wake, Hagia mwana wake, ndi Asaya mwana wake.

³¹ Yaŵa mbanthu wo Davidi wangumika nge mbarongozgi ŵa nchitu yakumba sumu mu nyumba ya Ambuya, po linguti laja muwa, bokosi la phanganu la Ambuya.

³² Ŵanguteŵeta ndi kumba paurongo pa chihema chakuwunganamo, mpaka po Solomoni wanguzenga nyumba ya Ambuya mu Yerusalemu; ndipo ŵanguchita nchitu yawo kwakuyana ndimo muluriku unguŵiya.

³³ Wo ŵateŵetanga ndi yaŵa ndi ŵana ŵawo. Ŵa ŵina Kohati: Hemani wakumba mwana waku Yoele, mwana waku Samuele,

³⁴ mwana waku Elkana, mwana waku Elkana, mwana waku Yerohamu, mwana waku Eliaeli, mwana waku Toa,

³⁵ mwana waku Zufi, mwana waku Elikana, mwana waku Mahati, mwana waku Amasa,

³⁶ mwana waku Elikana, mwana waku Yoele, mwana waku Azariya, mwana waku Zefaniya,

³⁷ mwana waku Tahati, mwana waku Asiri, mwana waku Abiasafu, mwana waku Kora,

³⁸ mwana waku Izhara, mwana waku Kohati, mwana waku Levi, mwana waku Levi, mwana waku Yisraele;

³⁹ ndi mbali wake Asafi, yo wamanga ku janja lake lamarghe, uyu ndi Asafi mwana waku Berekiya, mwana waku Shimaya,

⁴⁰ mwana waku Mikaeli, mwana waku Baseya, mwana waku Malkija,

⁴¹ mwana waku Etimi, mwana waku Zera, mwana waku Adaya,

⁴² mwana waku Zima, mwana waku Shimei,

⁴³ mwana waku Yahati, mwana waku Gershomu, mwana waku Levi.

⁴⁴ Kuchiri ku maze kwamanga ŵabali ŵake ŵana ŵaku Merari: Etani mwana waku Kishi, mwana waku Abidi; mwana waku Maluka,

⁴⁵ mwana waku Hashabiya, mwana waku Amaziya, mwana waku Hilkiya,

⁴⁶ mwana waku Amazi, mwana waku Bani, mwana waku Shemeri,

⁴⁷ mwana waku Mahili, mwana waku Mushi, mwana waku Marari, mwana waku Levi;

⁴⁸ ŵabali ŵawo ŵaLevi ŵangutemeke ku uteŵeti wose wa chihema chakuwunganamo cha nyumba yaku Chiuta.

Ŵana ŵaku Aroni

⁴⁹ Kwani Aroni ndi ŵana ŵake ndiwo ŵangutemeke mipasku yapa guŵa lakochiyapo sembe ndi pa guŵa la vyakusunkhizga ndi nchitu yose ya mu malo ghakupaturika ukongwa, ndi kuchitiya mphepeska ŵaYisraele, kwakulingana ndi vyose vyo Mosese mteŵeti wa Ambuya wangulangula.

⁵⁰ Yaŵa mbana ŵaku Aroni: Eleazara mwana wake, Finihasi mwana wake, Abishua mwana wake.

⁵¹ Buki mwana wake, Uzi mwana wake, Zerahiya mwana wake,

⁵² Marayoti mwana wake, Amariya mwana wake, Ahitu mwana wake,

⁵³ Zadoki mwana wake, Ahimazi mwana wake.

Mizi ya ŵaLevi

⁵⁴ Yagha ndi malo ghawo ghakujamo kwakuyana ndi mauzenge ghamu mphaka zawo: ku ŵana ŵaku Aroni mu mbumba za ŵina Kohati, pakuti mphenduzga yinguwa paku iwo,

⁵⁵ ŵanguŵapaska Hebroni mu charu chaku Yuda ndi tuvyaru twamauliska zingirizgi,

⁵⁶ kweni minda yamu msumba ndi mizi yake ŵangupaska Kalebu mwana waku Yefune.

⁵⁷ Mizi yakupozomokiyamo ŵanguyipaska ku ŵana ŵaku Aroni: Hebroni, Libina, ndi charu chake cha mauliska, Yatiri Eshi-temoa ndi charu chake cha mauliska,

⁵⁸ Hileni ndi mauliska ghake, Debiri ndi mauliska ghake,

⁵⁹ Ashani ndi mauliska ghake, ndi Beteshemeshi ndi mauliska ghake;

⁶⁰ ndipo kutuwa mu fuku laku Benjamini, Geba ndi mauliska ghake, Alemeti ndi mauliska ghake, ndi Anatoti ndi mauliska ghake. Misumba yawo yose mu mbumba zawo yenga chumi ndi yitatu.

⁶¹ Ku ŵakujapo ŵa ŵaKohati, kutuwa mu fuku la nusu laku Manase, misumba chumi.

⁶² Ŵina Gershomu kwakuyana ndi mbumba zawo kutuwa mu mafuku ghaku Isakara, Ashere, Naftali, ndi Manase muMashani ŵanguronde misumba chumi ndi yitatu.

⁶³ Ŵa Merari mu mbumba zawo kutuwa mwaku Rubene, Gadi, ndi Zebuluni, ŵanguronde misumba chumi ndi yiŵi.

⁶⁴ Viyo ndimo ŵaYisraele ŵangupaskiya ŵaLevi misumba pamoza ndi vyaru vya mauliska ghawo.

⁶⁵ Ŵanguŵapaska mu mphenduzga kutuliya mu fuku laku Yuda, Simeoni, ndi Benjamini, misumba iyi yazumbulika mazina ghawo.

⁶⁶ Ŵanyake ŵa mbumba za ŵaKohati ŵenga ndi misumba kutuwa mu fuku laku Efraimu.

⁶⁷ Ŵangupaskika mizi yakupozomokiyamu: Shekemu, ndi mauliska ghake mu charu cha mapiri chaku Efraimu, Gezere ndi mauliska ghake,

⁶⁸ Yokomanu ndi mauliska ghake, Bete-horoni ndi mauliska ghake,

⁶⁹ Aijaloni ndi mauliska ghake, Gatrimoni ndi mauliska ghake,

⁷⁰ ndipo kutuwa mu nusu la fuku laku Manase, Anere ndi mauliska ghake, Bileamu ndi mauliska ghake, ku ŵakujapo ŵa mbumba za ŵina Kohati.

⁷¹ Ku ŵina Gershomu kungupaskika kutuwa mu nusu la fuku la ŵina Manase: Golani ndi Bashani ndi mauliska ghake, ndi Ashitaroto ndi mauliska ghake;

⁷² mu fuku laku Isakara: Kedeshi ndi mauliska ghake, Deberata ndi mauliska ghake,

⁷³ Ramoti ndi mauliska ghake, ndi Anamu ndi mauliska ghake;

⁷⁴ mu fuku laku Ashere: Mashala ndi mauliska ghake, Abadoni ndi mauliska ghake,

⁷⁵ Hukoku ndi mauliska ghake, ndi Rehobu ndi mauliska ghaeke;

⁷⁶ mu fuku laku Naftali: Kedeshi waku Galileya ndi mauliska ghake, Hamoni ndi mauliska ghake, Kiriataimu ndi mauliska ghake,

⁷⁷ ku ŵakujapo ŵa ŵina Merari ŵangugaŵikiya mu fuku laku Zebuluni: Rimono ndi mauliska ghake, Taboro ndi mauliska ghake,

⁷⁸ ndipo ku sirgha la Yordane ku Yeriko, kuchiri ku vuma kwa Yordane, ŵanguŵapaskako mu fuku laku Rubene: Bezere mu vifya ndi mauliska ghake, Johaza ndi mauliska ghake,

⁷⁹ Kedemoto ndi mauliska ghake, Mefata ndi mauliska ghake;

⁸⁰ mu fuku laku Gadi: Ramoti-Gileada ndi mauliska ghake, Mahamaimu ndi mauliska ghake,

⁸¹ Heshiboni ndi mauliska ghake, ndi Yazere ndi mauliska ghake.