1 Mikoka 4 - Tonga Bible 1986

Ŵana ŵa ŵaYuda

¹ Ŵana ŵaku Yuda: Perezi, Hezroni, Karmi, Huri, ndi Sobali.

² Reaya mwana waku Sobali wangupapa Yahati, Yahati wangupapa Ahumai ndi Lahadi. Yaŵa ndiwo ŵenga mbumba ya ŵaZorati.

³ Yaŵa ndiwo ŵenga ŵana ŵaku Etamu: Yezerele, Isma, ndi Abibasi; mzichi wawo ndi Hazeliponi,

⁴ ndi Penuele wiske waku Gedoro, Ezeri wiske waku Husa. Yaŵa ndiwo ŵana ŵaku Huru, wakudanga waku Efrate wiske waku Betelehemu.

⁵ Asuri wiske waku Tekoa, wenga ndi ŵawoli ŵaŵi, Hela ndi Nara;

⁶ Nara wangumpapiya Ahusamu, Hefiri, Temani ndi Halastari. Yaŵa ndiwo ŵana ŵaku Nara.

⁷ Ŵana ŵaku Hela: Zereti Izari ndi Etnani.

⁸ Kozi wangupapa Abubu, Zobeba ndi mbumba zaku Ahareli mwana waku Harumu.

⁹ Yehezi, wangutumbikika kuruska ŵabali ŵake, ndipo anyina angumudana zina Yabezi, wanguti, “Chifukwa ndingumupapa ndi urwirwi.”

¹⁰ Ndipo Yabezi wadananga kwaku Chiuta waku Yisraele kuti, “Munditumbike ndi kukuzga charu changu, ndi kuti janja linu liŵenge nani, mundisunge ku uheni, mwakuti ureke kundipweteka,” ndipo Chiuta wangumupaska cho wanguromba.

¹¹ Kalebu mbali waku Suha wangupapa Mehari wiske waku Estoni.

¹² Ndipo Estoni wangupapa Batrafa, Pesea, ndi Tehina wiske waku Irinasi. Yaŵa mbanthu ŵaku Reka.

¹³ Ŵana laku Kenazi: Otnieli ndi Seraya; ŵana ŵaku Otnieli: Hatati ndi Menotai,

¹⁴ Menotai wangupapa Ofra; Seraya wangupapa Yoabu wiske waku Geharasimu, ŵangudanika viyo pakuti ŵenga ŵafundi.

¹⁵ Ŵana ŵaku Kalebu, mwana waku Yefune: Iru, Ela ndi Namu; ŵana ŵaku Ela: Kenazi.

¹⁶ Ŵana ŵaku Yehaleli: Zifi, Zefa, Tiriya, ndi Asareli.

¹⁷ Ŵana ŵaku Ezra: Yeteri, Meredi, Eferi ndi Yaloni. Yaŵa mbana ŵaku Bitiya, mwana munthukazi waku Farao yo wenga muwoli waku Meredi, ndipo wanguzuwuka ndi wangupapa Miriamu, Shama, ndi Tshiba, wiske waku Eshitenoa.

¹⁸ Ndipo muwoli wake mu Yuda wangupapa Jerede wiske waku Gedoro, Hebere wangupapa Soko, ndipo, Yekutiele wangupapa Zanoa.

¹⁹ Ŵana ŵaku Hodiya, mzichi waku Nahamu, ndiwo ŵenga auskeu ŵa ŵaKeila mu Garmi ndi Eshitemoa muMakati.

²⁰ Ŵana ŵaku Shimoni: Amoni, Rina, Benhanani, ndi Tiloni. Ŵana ŵaku Ishi: Zohete ndi Benzohete.

²¹ Ŵana ŵaku Shela mwana waku Yuda: Ere wiske waku Leka, Lada wiske waku Maresha, ndi mbumba ya nyumba ya ŵakuruka za bafuta pa Beteshebea;

²² ndi Yokimu, ndi ŵanthu ŵaku Kozeba ndi Yoashi, ndi Sarah, yo wanguwusa Moabu ndi kuwere ku Lehemu (makani yagha ngakale ukongwa).

²³ Yaŵa ŵenga ŵakuwumba viŵiya ŵajanga ku Netaimu ndi Gedera; ŵajanga pamoza ndi karonga wa nchitu yake.

Ŵana ŵaku Simeoni

²⁴ Ŵana ŵaku Simeoni: Nemuele, Jamini, Yaribu, Zera, Shauli;

²⁵ Shalumu wenga mwana wake, Mibsamu mwana wake, Mishima mwana wake.

²⁶ Ŵana ŵaku Mishima: Hamuele mwana wake, Zakuru mwana wake, Shimei mwana wake,

²⁷ Shimei wenga ndi ŵana ŵanthurumi chumi ŵankhonde ndi yumoza (16) ndi ŵana ŵanthukazi ŵankhonde ndi yumoza; kweni ŵabali ŵake kuti ŵenga ndi ŵana ŵanandi cha, nanga ndi mbumba yawo yose kuti ŵangwandana nge mbanthu ŵaku Yuda cha.

²⁸ Ŵajanga mu Beresheba, Moalada, Hazarashuala,

²⁹ Bilha, Ezemu, Tolada,

³⁰ Bethuele, Horma, Ziklaga,

³¹ Betemarakaboti, Hazarsusimu, Betebira, ndi Sharaimu. Iyi yenga musumba yawo mpaka pa nyengo ya muwusu waku Davidi.

³² Mizi yawo yenga iyi Etamu, Aini, Rimoni, Tokeni, ndi Ashani, mizi yinkhonde,

³³ pamoza ndi mizi yawo yose yo yinguzungulizga misumba iyi mpaka ku Bala. Yagha ghenga malo ghawo ghakujamo, ndipo ŵangusunga mkoka wa khamu lawo.

³⁴ Meshobabu, Yamuleke, Yoshaba mwana waku Amaziya,

³⁵ Yoweli, Jehu mwana waku Yoshibai, mwana waku Seraya, mwana waku Asiele,

³⁶ Elionayi, Jakoba, Yoshohayi, Asaya, Adiele, Yesimele, Benaya.

³⁷ Ziza mwana waku Shifi, mwana waku Aloni, mwana waku Jedaya, mwana waku Shimiri, mwana waku Shemaya.

³⁸ Yaŵa ŵatamulika mazina ndiwo ŵenga mafumu mu mbumba zawo, ndipo nyumba za, auskeu zingwandana ukongwa.

³⁹ Ŵanguruta ku kuserere kwa Gedoro, kuchiri ku vuma kwa dambo, kupenja chipozwa cha viŵetu vyawo.

⁴⁰ Kweniko ŵangusaniya kunona kwa chipozwa chamampha, charu chenga chisani ukongwa, chabata, cha chimangu; wo kali ŵanguja muwa ŵenga ŵina Hamu.

⁴¹ Yaŵa, ŵakulembeka mazina ŵanguza mu mazuŵa ghaku Hezekiya, karonga wa ŵaYuda, ŵangupasuwa mahema ghawo ndi ŵa Meuni wo ŵangusanirika mwenimuwa, ndipo ŵanguŵamariya limu mpaka ku zuŵa linu, ŵanguja mu malo ghawo, chifukwa ndiko kwenga uliska wa viŵetu vyawo.

⁴² Ndipo ŵanyake ŵaku wo, ŵaSimeoni machumi pe chumi ghankhonde (500), ŵanguruta ku phiri la Seiri, ŵakuŵa ndi Pelatiya, Nearia, Refaya, ndi Uziele ŵana ŵaku Ishi nge mbarongozgi ŵawo;

⁴³ ŵanguparghang'a ŵakujapo ŵa Amaleke wo ŵangupozomoka, ndipo ŵanguja muwa mpaka kunu ku sono.