Hebreos 1 - Totonac Coyutla

Dios macámilh Xkahuasa la̠qui̠ nama̠catzi̠ni̠nán xtalacapa̠stacni

¹ Xamaká̠n hasta la̠ta mini̠­tanchá quilh­ta­macú Dios xca̠­ma­ca­min­ti̠­lhay xpro­fetas la̠qui̠ naca̠­ma̠­ca­tzi̠ni̠y xta­la­ca­pa̠s­tacni qui­li̠­ta­la­ka­pas­nicán, y mak­lhu̠hua chuná ca̠ma̠­kalh­chu­huí̠­ni̠lh.

² Pero la̠ ca̠lacchú quilh­ta­macú xlá maca­mini̠t Xka­huasa la̠qui̠ naquin­ca̠­li̠­ma̠­kalh­chu­hui̠­ni̠yá̠n xta­la­ca­pa̠s­tacni, xlá mak­tla­huani̠t xli̠­hua̠k hua̠ntu̠ anán, xa̠huachí huá maca­ma̠x­qui̠­ko̠­cani̠t naca̠­ma̠­peksi̠y xli̠­hua̠k hua̠ntu̠ anán nac xli̠­ca̠­lanca ca̠quilh­ta­macú.

³ Antá nac xla­táma̠t Cristo ma̠siyuy lácu xkásat Dios xa̠hua lanca xli̠t­li­hueke, y caj xpa̠­la­cata xli̠t­li­hueke xli̠­ma̠­peksí̠n ca̠li̠­ma̠x­qui̠y li̠t­li­hueke la̠qui̠ ni̠ nata­lak­sputa chu­nacú nata­la­tama̠y xli̠­hua̠k hua̠ntu̠ anán. Xlá quin­ca̠­lac­xa­ca­nikó̠n xli̠­hua̠k hua̠ntu̠ xka­lhi̠­yá̠hu quin­ta­la̠­ka­lhi̠ncán, y aca­li̠stá̠n alh nac akapú̠n y pa̠x­tu̠­ta­hui­lachá nac xpek­stácat xpu̠­ma̠­peksí̠n Dios.

Xkahuasa Dios a̠tzinú lanca xlacatzúcut ni̠ xachuná ángeles

⁴ Amá Xka­huasa Dios mákat la̠ta ca̠aka­pu̠­lani̠t ángeles porque a̠má li̠t­li­hueke hua̠ntu̠ ma̠x­quí̠­calh a̠tzinú lanca xla­ca­tzúcut ni̠ xachuná hua̠ntu̠ ca̠ma̠x­qui̠­cani̠t ángeles.

⁵ Porque la̠ta xli̠­hua̠k min­ko̠­ni̠­tanchá quilh­ta­macú Dios ne̠c­xnicú huá­nilh cha̠tum ángel: Huix Quin­ka­huasa y aquit min­tla̠t, porque la̠nchú chuná cli̠­ma̠x­tuyá̠n, Y ne̠c­xnicú chiné li̠chu­huí̠­nalh cha̠tum ángel: Aquit xtla̠t nacuán, y xlá Quin­ka­huasa nali̠­taxtuy.

⁶ Pero acxni̠ xlá macá­milh xma̠nhuá a̠má cha̠stum xapuxcu xka­huasa chiné huá: Xli̠­hua̠k ángeles hua̠nti̠ tata̠­la­má̠­nalh Dios nac akapú̠n cata­la­ka­chix­cú­hui̠lh.

⁷ Y xla­ca­tacán ángeles chiné ca̠li̠­chu­huí̠­nalh Dios: Dios ca̠li̠­ma̠xtuy xán­geles cumu la̠ ú̠n, y xlac­scujní̠n ca̠li̠­ma̠xtuy cumu la̠ lhcúya̠t.

⁸ Pero xlá chiné li̠chu­hui̠nán Xka­huasa: Huix lanca tali̠­pa̠hu Dios, tamá mili̠­ma̠­peksí̠n ne̠c­xnicú cati­lák­sputli, porque hua̠ntu̠ aksti̠tum pímpa̠t ma̠pek­si̠­nana.

⁹ Cumu huix lak­ma­ka­ni̠ta hua̠ntu̠ li̠xcáj­nit y ma̠t­la̠n­ti̠­ni̠ta nama̠­kan­tax­ti̠ya hua̠ntu̠ aksti̠tum, min­tla̠t Dios li̠ma̠x­tu­ni̠tán cumu la̠ xapu̠­chiná hua̠nti̠ a̠tzinú tla̠n y li̠pa̠­xúhu nama̠­pek­si̠nán ni̠ xachuná xa̠maka­pi­tzí̠n hua̠nti̠ na̠ tama̠­pek­si̠nán.

¹⁰ Xa̠huachí nac aktum salmo chiné li̠chu­hui̠­nancán: Huix Quim­pu̠­chi­nacán, hasta la̠ta xamaká̠n quilh­ta­macú ma̠la­ca­tzu­qui̠­ni̠ta xli̠­hua̠k ca̠quilh­ta­macú y la̠ta túcu anán; y mimacán ma̠n li̠t­la­hua­ni̠ta akapú̠n.

¹¹ Xli̠­hua̠k u̠má hua̠ntu̠ ma̠la­ca­tzu­qui̠­ni̠ta namín quilh­ta­macú hua̠k nalak­sput­paray, pero cane̠c­xni­cahuá quilh­ta­macú lápa̠t nahuán. Pu̠tum ámaj lak­sputa cumu la̠ mactum lháka̠t hua̠ntu̠ lakuán y niaj tla̠n;

¹² huix pímpa̠t kapsa xta̠­chuná cumu la̠ mactum lháka̠t, y nalak­pa­li̠ya xta̠­chuná cumu la̠ a̠ cali̠­ta­lak­xtu­numpi milháka̠t. Pero huix chu­na­tiyá lápa̠t nahuán, porque mila­táma̠t ne̠c­xnicú lak­sputa.

¹³ Xa̠huachí Dios ni̠para maktum xuánilh cha̠tum ángel: Caquim­pa̠x­tu̠­ta­huila uú nac quim­pek­stácat, hasta caní nac­ca̠­maka­tla­jako̠y xli̠­hua̠k hua̠nti̠ tasi̠­tzi̠­niyá̠n la̠qui̠ hua̠k nata­la­ka­chix­cu­hui̠yá̠n.

¹⁴ Porque xli̠­hua̠k a̠ma̠ko̠lh ángeles hua̠nti̠ tas­cuj­ni­má̠­nalh Dios hua̠k caj espí­ritus y ni̠ tasiyuy, ca̠ma­ca­mincán uú la̠qui̠ nata­mak­ta­kalha xli̠­hua̠k a̠ma̠ko̠lh hua̠nti̠ Dios ca̠lac­sacni̠t naca̠­lak­ma̠x­tuniy xli̠s­tac­nicán.