Yosua 19 - ICIGHAN BIBILO

¹ Kwar u sha uhar gba sha Shimeon, ka kwe u ônov mba Shimeon je la, sha icombor ve; dyako ve lu her atô u dyako u ônov mba Yuda.

² Dyako u ve zua a mi lu: Bersheba man Sheba man Molada

³ man Hasar-shual man Baala man Esem

⁴ man Eltoladi man Betul man Horma

⁵ man Shikelagi man Bete-markaboti man Hasar-susa

⁶ man Bete-lebaoti man Sharuhen; ka agar a pue kar atar kua agar a kiriki a a kase a la;

⁷ Ain man Rimon man Eter kua Ashan; ka agar anyiin je la kua agar a kiriki a a kase a la;

⁸ angarev mba ve kase agar la cii zan zan za ar hen Baalati-beer, ka Rama u ken Imbusutariyan la. Ngun ka dyako u kwe u ônov mba Shimeon sha icombor ve je ne.

⁹ Ka ken kwar u ônov mba Yuda la, dyako u ônov mba Shimeon a lu ye, gadia kwar u ônov mba Yuda gande ve, ka nahan man ônov mba Shimeon zua a dyako ken atô u dyako ve ye.

¹⁰ Kwar u sha utar gba sha ônov mba Sebulon sha icombor ve; ikighir i dyako ve yô, ar sha Saridi;

¹¹ ikighir ve yem vegher u shin ityôtar zan zan hen Marala, kar za ar sha Dabesheti man shin uwagh u a lu sha ishigh ki Yokeneam la;

¹² sha Saridi i hurugh i yem vegher u sha ityoughkitaregh sha ape iyange i dugh la, zan zan za ar hen ikighirtar i Kiseloti-tabor; i due hen Daberati, i kar i kôndo sha Yafia;

¹³ keela yô, i ver ishigh sha ityoughkitaregh zan zan hen Gati-hefer hen Ete-kashin; i za due hen Rimon u a samber zan zan ar hen Nea la;

¹⁴ ikighir la ningir un vegher u ken imbusutarimese za ar hen Hanaton, i za kure shin pev u Ifetael;

¹⁵ man Katati man Nahalal man Shimeron man Idala man Betelehem; agar pue kar ahar kua a kiriki a a kase a la.

¹⁶ Ka dyako u ônov mba Sebulon sha icombor ve je ne, agar angan kua agar a kiriki a a kase a la.

¹⁷ Kwar u sha unyiin gba sha Isakar, ka sha ci u ônov mba Isakar je la, sha icombor ve.

¹⁸ Tar ve lu: Yesereel man Kesuloti man Shunem

¹⁹ man Hafaraim man Shion man Anaharati

²⁰ man Rabiti man Kishion man Ebese

²¹ man Remeti man En-ganim man En-hada man Bete-pase;

²² man ikighir la za ar hen Tabor man Shahasuma man Bete-shemeshi, ikighir ve za kure hen Yordan; agar pue kar ataratar kua agar a kiriki a a kase a la.

²³ Ngun ka dyako u kwe u ônov mba Isakar je ne, sha icombor ve, agar kua agar a kiriki a a kase a la.

²⁴ Kwar u sha utaan gba sha kwe u ônov mba Asher sha icombor ve.

²⁵ Tar ve lu: Helkati man Hali man Beten man Akesav

²⁶ man Alameleki man Amadi man Mishal, za ar hen Karmel vegher u shin ityôtar man shi hen Shihor-libenati;

²⁷ i hurugh i za vegher u sha ape iyange i dugh la hen Bete-dagon za ar hen Sebulon, man shin pev u Ifetael vegher u ken imbusutarimese, hen Bete-emeki man Nehiel; i due i va hen Kabul vegher u ken uwegh ku imesegh,

²⁸ man Eberon man Rehobi man Hamon man Kana zan zan ar hen Shidon u vesen;

²⁹ ikighir la hurugh za hen Rama za ar hen gilgar u Tiru shi i hurugh i za hen Hosa, za kure hen zegemnger, hii hen Heber tar u u samber zan zan za ar hen Akeshibi la,

³⁰ man Uma man Afeki man Rehobi; agar ikundu kar ahar kua agar a kiriki a a kase a la.

³¹ Ka dyako u kwe u ônov mba Asher sha icombor ve je ne, agar ne kua agar a kiriki a a kase a la.

³² Kwar u sha ataratar gba sha ônov mba Nafetali, ka ônov mba Nafetali sha icombor ve je la.

³³ Ikighirtar ve hii hen Helev, hen kon u terebin u u lu hen Sananim, man Adaminekebi man Yabenel za ar hen Lakumi; i za kure hen Yordan;

³⁴ ikighir la hurugh za vegher u shin ityôtar zan zan za ar hen Asenoti-tabor, i due keela i za ar hen Hukoki, za zua a Sebulon vegher u ken imbusutariyan, kar gema za zua a Asher vegher u shin ityôtar man sha Yuda hen Yordan vegher u iyange i dugh la.

³⁵ Agar a a lu a gir yô, lu Shidim man Ser man Hamati man Rakati man Kinereti

³⁶ man Adama man Rama man Hasor

³⁷ man Kedeshi man Ederei man En-hasor

³⁸ man Yiron man Migedal-el man Horem man Bete-anati man Bete-shemeshi, agar pue kar ataankaranyiin kua agar a kiriki a a kase a la.

³⁹ Ngun ka dyako u ônov mba Nafetali, sha icombor ve je ne, agar kua agar a kiriki a a kase a la.

⁴⁰ Kwar u sha utaankaruhar gba sha ônov mba Dan sha icombor ve.

⁴¹ Tar u dyako ve lu hen Sora man Esetaol man Ir-shemeshi

⁴² man Shalabin man Ayalon man Itela,

⁴³ man Elon man Timna man Ekeron

⁴⁴ man Eleteke man Gibeton man Baalati

⁴⁵ man Yehudi man Bene-beraki man Gati-rimon

⁴⁶ man Meyarkon man Rakon, a tar u u ver ishigh sha Yopa la.

⁴⁷ Tar u ônov mba Dan yina ve, nahan ônov mba Dan kôndo za nôngo ityav a Leshem, ve ngohol un ve hemba un sha zwa u sanker, ve ngohol u hingir u ve, ve tema kimi, maa ve ii Leshem iti er Dan, sha iti i ter ve Dan.

⁴⁸ Ngun ka dyako u kwe u ônov mba Dan sha icombor ve je ne, agar angan kua agar a kiriki a a kase a la.

⁴⁹ Er ve kure dyako u karen u hen tar la sha mlu u akighir a u yô, Mbaiserael gema na Yosua, wan u Nun, dyako hen atô ve.

⁵⁰ Sha imo i TER kaa la, ve na un gar u a sar un yô, lu Timnati-sera, sha tar u iwoogh u Eferaim; tsô a maa gar la, a tema ker.

⁵¹ Mban ka udyako mba pristi Eleasar man Yosua wan u Nun man mbavesen mba yaav mba uter mba ikwe i ônov mba Iserael ve kar dyako a mi, sha ishol i eren, ken Shilo sha ishigh ki TER, hen hunda u tenti u kohol ker la. Kape ve kure tar karen la.