Yobu 39 - ICIGHAN BIBILO

¹ U fa shighe u ivodura i sha uwo ka i mar kpa? Shin u fatyô u tesen shighe u mbaashim ka ve mar kpa?

² U fa iwer i ve lu iyav kpa? Shighe u ve maren yô, u fa kpa?

³ Ka ve nur igundu man ve mar ônov vev ye, martoghol ve bee kera.

⁴ Kpe ônov vev iyol; ka ken ikôngo ve vesen ye; ka ve due ve yem, ve kera hide her a ve ga.

⁵ Ka an nan pase jakitoho, i zenden sha ishima i ii? Ka an nan sagh ikangenev mbi jaki i ken taaikôngo laa?

⁶ i M er desereti a hingir ya u i, ijiir i isha i lu her la, i hingir ijiir na i tsan.

⁷ Ka i laha ayôôso a ken gar, ikenge i orhuren kpaa i ongo i ga.

⁸ Ajiir a hen iwo ka ajiir a i a yan toho, i keren hanma kwagh u ndor.

⁹ Iyar ia rumun ia er u tom, shi ia tsa hen kpese wou u haan ilev kwaghyana?

¹⁰ Ú fatyô u zeren iyar hen huwa, ú tsôghol sulee? Shin ia dondo sha a we ia tsôghol apeve?

¹¹ Ú suur sha i er i lu a agee yum yôô? Shin ú wa i tom wou sha ikeve?

¹² Ú na i jighjigh wer, ia va u a iyiagh ken ya, ia kohol ki sha vande u gbiren iyiava?

¹³ Kperegh ku konkofi ka ku peer sha iember; kperegh nagh kua ingur na doo kwagh kpa?

¹⁴ Gadia ka a undu aji na hen inya, er i̱ tsee a iyol hen inya.

¹⁵ Hungul un er, adooga nguhar ua va hembe a, shin inyamtoho ia va ndyar a.

¹⁶ Eren a ônov nav sha dooshima ga, er ka mba nav ga yô; ishima nyian un er tom na ua va hingir gbilinkwagh kpaa ga;

¹⁷ gadia Aôndo nyume un kwaghfan, A na un mkav kpaa ga.

¹⁸ Ka una mough sha ayem yô, a laha nyinya kua orhendan un la kpaa.

¹⁹ Ka we u ne nyinya agee na yee? Ka we u cir un ingya sha mon yee?

²⁰ Ka we u ne un a tsugh er ahungwa yee? Ahenga na a usan sha kume la, ka kwagh u cieryol.

²¹ Ka a kaha apande inya shin pev, doo un iyol a agee na, a due a za ya kapa a ikav mbi utyav.

²² Lahan mciem, ishima nyian un ga; yevese sanker kpaa ga.

²³ Gbandeavaan ka a uvan sha ijime na kua iwange i engem man dagi kpaa.

²⁴ Ka a mena ihundu sha ishima i nyoon man i vihin, til shighe u korough ku gbe imo kpaa ga.

²⁵ Hanma shighe u ka a tôngo korough cii yô, a nande er: Haha, haha! Ka a ungwa ihuma i utya ken ica je; mnande u ukurmbautyav kua akenge a utya kpaa.

²⁶ Ka sha kwaghfan wou tsoghor ka u kôndo sha, u samber akper u zan ken imbusutariyan yee?

²⁷ Ka sha imo you gafa ka a kôndo sha, a wa ya na sha ijiir i taven sha kpaa yee?

²⁸ Tem sha vande, ka a tsa shami kpaa, sha ityough ki vandegh hen ijiir i taver.

²⁹ Ka a ta ashe shaala je, a za nenge a inyam; ashe a na ka a nenge a i ken ica je.

³⁰ Ônov nav kpaa mba me awambe; henpe akaa a i woo a, a lu yô, u kohol un her.