Yobu 14 - ICIGHAN BIBILO

¹ Or u kwase a mar nan yô, ayange a nan nga ciôn tsô, man a iv a ican kpaa.

² Ka nan due er fele nahan, shi nan use; ka nan kar kera er mure nahan, nan lu gbem ga!

³ Ka sha imbaor ne nahan ú ver ashe, Ú za a mo ken ijir Youwe?

⁴ Kpash, kwagh u wang ma a dugh ken kwagh u a lu wang ga yô! môm tsô ngu ga.

⁵ Er i ver or ayange a nan yô, iyenge i iwer i nan kpaa ngi hen a We, shi U ver nan ikighir i nana fatyô u karen i ga yô;

⁶ nahan gema ashe Ou sha a nan kera, nana̱ mem, nana̱ ember sha iyange i nan, er or u eren tom sha tôndo nahan.

⁷ Gadia kon u i gber u yô, mba fan er, shi ua hôm, ua de taan agbaa ga.

⁸ Shin mise u u ua bee iyol shin inya, itine i u kpaa ia kpe shin inya,

⁹ nahan kpaa sha u ungwan ihuma i mnger tsô ua hôm, ua ta agbaa er ahu yô.

¹⁰ Kpa or yô, ka nan kpe nan yav inya a agee shio; een, or tôndo iôôn; yô, shi nan ngu hana?

¹¹ Er mngerem ka ma uma shin ber, man er ifi ka a tôndo a uma yô,

¹² kape or ka nan yav, nan kera mough ga la; vea kera mough ga, zan zan Usha vea kar kera ve, man á nder ve ken mnyam vem kpaa ga.

¹³ Kpe ahii, ma U yerem shin Sheol, ma U yerem zan zan iyugh You ma i kar kera, ma U verem shighe, ma U shi U umbur mo!

¹⁴ Aluer or á kpe yô, shi nana lu uma? Nahan sha ayange a mnenge u sha ican yam ne cii me kegh me veren ashe, zan zan mdugh wam una kar kuman.

¹⁵ Ú yila, mo me gema me vengese; tom u ave Ou ua sar U.

¹⁶ Shin er Ú ôr iyenge i a-avenangahar a am kpaa, Ú kera nenge a kwaghbo wam ga;

¹⁷ i kange mkarkpe wam i wa shin ikpa, Ú cir ifer yam kera.

¹⁸ Er uwo ka u yôhôl u sar kera man i mgbegha vande hen ijiir i u kera,

¹⁹ man mngerem ma koo awen, uikuwan mba ma kpaa, ve kuwa inya i tar kera nahan, kape ishimaverenkeghen i or i lu la, U bunde i kera.

²⁰ U hemba nan gbem, tsô nan kar kera; U gema ishigh ki nan, U na nan gbenda nan yem.

²¹ Ônov mba nan ve zua a icivir, kpa nan fa ga, shi ve gba ijime, kpa nan fa ma kwagh sha mi ga.

²² Ka iyol i nan tseegh, i nyoon nan ye, man shi uma u nan kpaa, nan zungu ye.