Yesaia 32 - ICIGHAN BIBILO

¹ Nenge, tor ugen una tema tor sha perapera, atiator kpaa aa kura tar sha ijirôron i mimi.

² Man hanmô ve kpaa nana hingir er ijiir i yeren ahumbe nahan, man er ijiir i yeren uraahumbe yô, er uikuwanmbamngerev hen ikpoghonya nahan yô, er mure u zegevande u ken tar u vôron kpishi yô.

³ Ashe a mbanengen aa kera pir ga, man ato a mba ve ongo la aa ungwa.

⁴ Ishima i mbaeren kwagh gagh kpaa ia wa mfe iko, man nombor u mbakaanmkeghenem kpaa ua gema ua ôr kwagh wanger wanger.

⁵ Á kera yila ibumeor er ormimi mayange ga, oratseregh kpaa, á yila nan er, orinjaa ga.

⁶ Gadia ibumeor ka nan ôr ibume kwagh, ishima i nan kpaa i eren iferkwagh, sha u eren kwagh u dang, man u ôron kwagh sha mtsum sha TER, geman den mbagenev ve̱ lu ijen her, man u nyumen mba imura i ker ve la, kwaghman.

⁷ Ayom a oratsereghegh kpaa ka a vihin tsô, ka nan henen udangmbaakaav sha u timin atsanaior sha akaaôron a aiegh, sha shighe u oribanave a lu ôron sha mimi kpaa la.

⁸ Kpa ormimi ka nan henen akaa a mimi, ka nan tile sha akaa a mimi gbem je.

⁹ Mough nen sha, ne kasev mba ishima i nyian ne sha kwagh ga ne, ungwa nen imo yam, ne ônkasev mba ne we iko sha kwagh ga ne, ver nen ato sha kwaghôron wam.

¹⁰ Gadia ayange aa kar á hemba inyom i môm kpuaa, tsô né gbidye ikarikase iyol, ne mba ne we iko sha kwagh ga ne, gadia msondo u atam a wain la bunde, á kera zua a ma kwagh ga.

¹¹ Mciem ma̱ ta ne iyol, ne kasev mba ishima i nyian ne sha kwagh ga ne; gbidye nen ikarikase iyol, ne mba ne we iko sha kwagh ga ne; er nen akondo kera, lu nen idyelegh, ta nen ikondo uya.

¹² Ta nen ave vanger sha ci u ishule i dedoo, sha ci u ikon i wain i umen atam kpishi la,

¹³ sha ci u tar u ior av u u mende usaa kua usagher, man sha ci u ayou a iember cii ken gar u iember;

¹⁴ gadia i undu iyou i tor dang, gar u lun a ior kpishi huan, hingir ving, igungu man gôgôyou u taven u tilen sha mi kuran la, hingir ubar gbem sha won, kwagh u ujaki mba ken toho ve ember man ijiir i yan toho i akumauile;

¹⁵ zan zan á haa se Jijingi u Sha man desereti una hingir sule u ikon i umen atam man sule u ikon i umen atam kpaa ia hingir er ka ikô nahan.

¹⁶ Tsô ijirôron i mimi ia tema ken desereti man perapera kpaa una tema ken sule u ikon i umen atam la.

¹⁷ Tom u perapera ua lu bem je; man atam a perapera ka mtem u bem bem man jighjigh u nan gbem sha won.

¹⁸ Ior Av vea tema ken ijiir i bem man ken uya mba taver man ken ajiir a memen a yôhôl iyol.

¹⁹ Kpa á nôô awombo zum u ikô ia gba la, man shi á yôhôl gar cii.

²⁰ Á saan ne iyol, ne mba ne lee hen hanma ijiir i mngerem ma lu her la cii, ne mba ne de angahar a bua kua a jaki a zenden enger enger yô.