Upasalmi 82 - ICIGHAN BIBILO

¹ Aôndo ngu tilen ken mkohol u Aôndo; ngu ôron ijir hen atô u mbaaôndo.

² Shi nan je man né de u ôron ijir sha mimi ga, man né de u tan ken mbaafereve? Sela.

³ Ôr nen ijir i mbagbanjime man ancôgholov; ôr nen ijir sha mimi a mba ikaa i tser ve kua mbaibanave kpaa.

⁴ Yima nen mbagbanjime kua mbaatsanev, dugh nen ve sha ikev i iferor kera.

⁵ Ve fa kwagh ga, mkav tsô kpaa, ve kav ga, mba zenden wue wue ken ime je; amagh a tar cii tenger.

⁶ M kaa je Mer: Ne mba mbaaôndo; ne cii, ne mba ônov mba Uhembansha;

⁷ nahan kpaa né kpe er ior mbagenev yô, né gba er u môm ken mbatarev nahan.

⁸ Aôndo, mough sha, ôr tar ijir; akuraior cii, nga sha ikev You. Ka icam. Ka Pasalmi u Asav