Upasalmi 76 - ICIGHAN BIBILO

¹ Ken Yuda yô, i fa Aôndo; iti Na ka i icivirigh ken Iserael.

² I tim tenti Na ken Salem; man ijiir Na i teman yô, ngi ken Shion.

³ Keregh la A sombo avaan a sha ada, man perutya kua sanker man ityav kpaa. Sela.

⁴ U engem U doo tsung sha iwo i yan ishar sha mi la.

⁵ I ngohol mbataverasema akaa cii, ve yav mnyam vem ma kuum; mô ve môm u ken mbataveryol kpaa zua a ave ve ga.

⁶ Sha mzehe Wou, Aôndo u Yakob, ikyekyeutya kua nyinya ve hume cii.

⁷ Ka We, U kom u á cia U ye; ka an je nana tile U sha ishi zum u U yuwen laa?

⁸ Ka Sha je, ijirôron You i dugh ye, tar cii, huan ving,

⁹ zum u Aôndo mough sha u ôron ijir, sha u Una yima mbaasemaleghlegh shin tar cii la. Sela.

¹⁰ Mimi je, iyugh i or ia wuese We; iyugh igen i i shi yô, ú zer shin iwenge.

¹¹ Tsegha nen zwa, yô, kure nen u a TER, Aôndo wen; mba ve kase Un cii, ve̱ va a iwua hen u A kom u á cia Un la;

¹² u A gber iyolgengese i mbatarev kera, u A te utor mba tarev mciem iyol. Ngun ka sha ci u orhemen u mbawanatsam; ka sha ikenge i Yedutun. Ka Pasalmi u Asav