Upasalmi 67 - ICIGHAN BIBILO

¹ Aôndo A̱ zungwe se mhôônom, A̱ ver se doo doo; A̱ er ishigh Nagh ki wanger hen a vese; Sela.

² Sha er á fa gbenda Wou sha won, man myom Wou kpaa ken akuraior cii.

³ Ior ve̱ wuese We, Aôndo; ior ci ca ve̱ wuese We.

⁴ Akuraior a̱ ember, a̱ wa icam i wuese, gadia U er ior ijir sha mimi, man U hemen akuraior a shin tar. Sela.

⁵ Ior ve̱ wuese We, Aôndo; ior ci ca ve̱ wuese We.

⁶ Inya mende iyiav dedoo; Aôndo, Aôndo wase, Una ver se doo doo;

⁷ Aôndo Una ver se doo doo, man akighir a tar cii aa cia Un. Ngun ka sha ci u orhemen u mbawanatsam. Ka Pasalmi u Davidi. Ka icam