Upasalmi 65 - ICIGHAN BIBILO

¹ Aôndo We U kuma u á wuese We ken Shion; ka We, man á kure iceghzwa a We kpee ye.

² We, u U ongo msen, ka hen a We man uuma cii vea va ye.

³ Aferakaa hembam agee, akaabo ase yô, ka We U ese a kera ye.

⁴ I saan or u U tsough nan la iyol, Wer nana̱ kporom er nana tema ken ityembe i iyou You la. Mdoom ma ya Wou maa kuma se, ka icighantempel Wou je la.

⁵ Ka sha akaacieryol man U rumun se sha perapera ye, We, Aôndo u myem wase, We u akighir a tar cii ve veren ishima sha a We ne, kua uzegembamngerev mba ve lu ca la kpaa;

⁶ We u iwo i til dông i lu sha agee a Ou; We u U cir agee iyol;

⁷ We u U yange kume u uzegembamngerev, ka kume u agôndoamnger, kua ayôôso a akuraior la.

⁸ Nahan mba ve tem ken ajiir a caa kpaa, mba cian uivande Ou; ka U er mdugh u iyange man mmir u i ve ember!

⁹ Ka U va sôr tar, U na u ura kpaa, U er u u mgbough a akaa, u hôm kpishi; ifi u Aôndo iv mngerem; U na ve iyiagh; kape U ser tar la.

¹⁰ Ka U na mngerem shin ikwever i u wuee, U sough alôgh a u; U er inya i hingir bôdo bôdo sha ura, U ver mmende u u doo doo;

¹¹ U wuha inyom i mdoom Ou iyol, igbenda You ngi nende ahôm.

¹² Ajiir a hômon toho ken ikôngo nga nende, man agungu kpaa nga cirin iember iyol.

¹³ Akumauile cir ajiir a a hem toho la, man iyiav cir apev cii, ve ger akenge ve ember, shi ve wa atsam kpaa. Ngun ka sha ci u orhemen u mbawanatsam. Ka icam. Ka Pasalmi