Upasalmi 64 - ICIGHAN BIBILO

¹ Ungwa imo yam er m vaan yô, Aôndo; kura uma wam sha mcieryol u orihom.

² Yerem sha mhen u ken myer, u mbaerenkwaghbo kua sha mkohol u mbaerenafer la;

³ mba ve hor nombor ve er sanker yô, ve hôn avaan a ve—ka kwaghôron u bo je la,

⁴ sha er vea ker or u jighilii ken myer; ve ker un fefa je, ve ya ishe ga.

⁵ Mba taver asema a ve sha awashima u bo, mba ôron imôngo sha u vea wa ukper myer, mba kaan er: Ka an nana nenge a mi?

⁶ Mba henen u eren aferakaa: Se kohol iyol ve, se zua a mhen u dedoo ve. Mhen u ken myer kua ishima i or yô, taver kpishi gande u fan.

⁷ Kpa Aôndo Una ker ve ivaan; á bura ve sha ivaan fefa je.

⁸ Kape á er ve, vea nôngo gbev ne, nombor ve je kpaa u hendan a ve; mba vea nenge a ve cii, vea jingir ityough.

⁹ Nahan ior cii vea cia, man vea pase tom u Aôndo, shi vea ver ishima sha ieren Na kpaa ye.

¹⁰ Orperapera una ember ken TER, una yer ken a Na; mba ve lu a mimi ken asema a ve cii kpaa, vea lu a icivir. Ngun ka sha ci u orhemen u mbawanatsam. Ka Pasalmi. Ka icam i Davidi