Upasalmi 56 - ICIGHAN BIBILO

¹ Zungwem mhôônom, Aôndo gadia ior ndyarem angahar; u a nenge num a mo la, ngu a shi kighir mo a ican didi.

² Mbaihomov av ka ve shi ndyaren mo angahar didi; gadia mba ve nenge ityav a mo sha iyolgengese yô, mba kpishi je.

³ Sha iyange i mciem maa tserem yô, me suur sha a We,

⁴ ka sha Aôndo, u m wuese mkaanem Nam la; ka sha Aôndo m suur ye, me cia ga, ka nyi man or á ereme?

⁵ Ve shi geman akaaôron a am didi; mbamhen vev cii, mba henen u eren mo kwagh u bo.

⁶ Ve zua imôngo, ve yer, ve ver ishima sha zende wam, kape ve meen uma wam la.

⁷ Er ve er aferakaa, nahan kpaa vea wara? Gbihi akuraior inya sha ishimavihin, Aôndo!

⁸ U ôr iyenge i ayem a am cii; haa mliam am ken ishegh You; kera ka ken ruamabera Wou ma lu gaa?

⁹ Tsô mbaihomov av vea hile ijime sha iyange i me yila la; m fa kwagh ne er Aôndo A te ikaa a mo yô.

¹⁰ Ka sha Aôndo u m wuese mkaanem Nam la, ka sha TER u m wuese mkaanem Nam la.

¹¹ Ka sha Aôndo m suur ye, me cia ga, ka nyi man or á ereme?

¹² Uiceghzwa mba m tsegh a We, mba sha a mo, Aôndo; me na U nagh ku ishughun.

¹³ Gadia U yima uma wam sha ku; U yima angahar am sha gbev mbu nôngon, sha er m̱ zenden sha ishigh ki Aôndo ken iwanger i uma yô. Ngun ka sha ci u orhemen u mbawanatsam; i ver un sha ikenge i: De timin ga. Ka icam i Davidi dugh zum u a yevese Saulu a yem ken barwo la