Upasalmi 53 - ICIGHAN BIBILO

¹ Ibumeor ka nan kaa ken ishima i nan er: Aôndo ngu ga; ve er akaa a dang a ndôhôrshima kpaa; mô u eren dedoo nan ngu ga.

² Aôndo shir ashe shin, ngu kenger ônov mba iorov, er Una nenge shin mô u lun a mkav nan ngu, u keren Aôndo.

³ Ve cii, ve hide ijime, ve hingir mbavihin cii, mô u eren dedoo nan ngu ga, môm tsô kpaa ga!

⁴ Mbaerenafer cii, mba a kwaghfan je gaa? mba ve ye ior Av er ka ruam ve ye yô? Mba yer sha iti i Aôndo kpaa ga.

⁵ Ka keela ve gba cian sulugha ye, shin er kwagh u cian lu ga nahan kpaa; gadia Aôndo sambe akuhe a or u nan we afo, nan kase u la; u va ve ahenge sha ci u Aôndo A vende ve yô.

⁶ Kpash! myom u Iserael ma a dugh ken Shion, ma a shi ve yôô! Zum u Aôndo Una sôr mlu u ior Nav yô, shighe la Yakob una tsuwe amar, Iserael kpaa una ember. Ngun ka sha ci u orhemen u mbawanatsam, i kuhwan un sha mbaadiguve; ka ityesen i Davidi, zum u Mbashiv va, va kaa Saulu er: Ka hen vese Davidi a yer ye gaa?