Upasalmi 52 - ICIGHAN BIBILO

¹ We, orageegh, ka nyi man u manger sha kwaghbo nahana? Erdoo u Aôndo ngu her zan zan.

² U ngu veren ishima u vihin kwagh, nombor wou ngu er atsem u esen yô, we, u u eren kwagh sha atseregh ne.

³ Kwaghbo hemba doon we ishima a kwagh u dedoo, aie u eren kpaa, a u ôron kwagh u mimi. Sela.

⁴ Akaaôron a timin doo u ishima, we, nombor u ôron kwagh u icughugh ne.

⁵ Kpa Aôndo Una yôhôl we kera gbem; Una tôô u kera, Una due a we ken ityumbe you kera, Una wuhe u ken tar u mbaumav kera. Sela.

⁶ Mbaperapera vea nenge, vea cia, vea se un, vea kaa er:

⁷ Ehee! Nenge, or ne ka or u a gem Aôndo A hingir agee a na ga yô, kpa a suur sha mngee u inyaregh nagh, a taver ishima sha ifer na.

⁸ Kpa mo yô, m ngu er kon u olev u ndor ken iyou i Aôndo; m ngu suur sha erdoo u Aôndo gbem sha won.

⁹ Me wuese We gbem sha ci u U er nahan yô; me ver ashe sha iti You kpaa—gadia i dio— sha ishigh ki mba i doo U a ve la. Ngun ka sha ci u orhemen u mbawanatsam; i ver un sha ikenge i Mahalati. Ka ityesen i Davidi