Upasalmi 47 - ICIGHAN BIBILO

¹ Ne ior cii, kure nen ave, wuese nen Aôndo sha imo i ember.

² Gadia TER Uhembansha cier iyol kpekpe, ka zegetor sha won cii.

³ A gema ior, ve hingir sha ikev yase; akuraior kpaa hingir se kwagh u tan angahar mi.

⁴ A sange se dyako wase, ihagh i Yakob u a doo Un ishima yô. Sela.

⁵ Aôndo kôndo sha a ikenge; TER kôndo sha, sha mkaa u kôr.

⁶ Wa nen atsam a wuese Aôndo kpishi, wa nen atsam a wuese; wa nen Tor wase atsam a wuese, wa nen atsam a wuese.

⁷ Gadia Aôndo ka Tor u tar cii; wa nen atsam a wuese ken pasalmi u ityesen.

⁸ Aôndo tema tor sha akuraior; Aôndo ngu teman sha icighanikôn Na u tor.

⁹ Mbatarev mba iorov kohol hingir ior i Aôndo u Aberaham; gadia iperutya i tar ka i Aôndo je; i kende Un sha kpishi je. Ka Icam. Ka Pasalmi u ônov mba Kora