Upasalmi 38 - ICIGHAN BIBILO

¹ TERE, de zehe a mo sha iyugh You ga, man shi de tsahan mo sha ishima You i vihin tsung ga!

² Gadia avaan a Ou nyôr temam ken iyol je, uwegh Ough kpaa, kighir mo.

³ Ma ijiir i dedoo kera ngi sha iyol yam ga sha ci u ishima You i vihin tsung la; kpem iyol ken akuhe am kpaa ga, sha ci u isholibo yam.

⁴ Gadia aferakaa am cirim, yisa, a yuhwam a hembam, er ikav mbi yuhwan yum yô.

⁵ Avav a am huma, gba ijumbu, sha ci u lanegh agh.

⁶ M ngughur, m hingir gôvorôô, iyange jimin cii m shi zungwen.

⁷ Gadia iwenge nyoon mo, ma ijiir i dedoo kera ngi sha iyol yam ga.

⁸ M ure, kundam iyol tsung, m toghor sha ci u anzughul a ken ishima yam.

⁹ TERE, isharen yam cii ngi sha ishigh You, mtoghor wam kpaa ngu U myer ga.

¹⁰ Ishima ngi tan mo kwe, agee nga yinan mo, iwanger i ashe am kpaa kera ngi ga.

¹¹ Mbadoon mo ishima man akar a am mba nyaghen mo sha ci u uange; ityô yam kpaa tile ca.

¹² Mbakeren mo a ku hônom; mba ve keren u eren mo ican, mba ôron akaadang, ka ve shi henen akaa a icughugh didi.

¹³ Kpa mo yô, m ngu er orakondoato nahan, m ungwa ga; m ngu er orkondoniker u a bughun zwa na ga yô.

¹⁴ Een, m ngu er or u nan ongo ga, man u nan lu a ahendan ken zwa kpaa ga yô.

¹⁵ Gadia ka her a We, TERE, m veren ishima, m keghen ye; We Ú ungwa imo yam, TERE, Aôndo wam.

¹⁶ Gadia m kaa mer, ve̱ de ember sha a mo ga; shighe u nguhar wam ua dolough yô, ve̱ de gengese iyol sha a mo ga.

¹⁷ M ngu nôngon u gban, ishimavihin yam ngi a mo gbem;

¹⁸ gadia m pase iferkwagh yam, ishima vihim sha ci u isholibo yam.

¹⁹ Kpa mbaihomov av mba per usôô, ve taver kpaa; mba ve gbe kôron mo ihom tsô la, ve ngee.

²⁰ Mba ve oron iyev i kwaghdedoo sha ifer la, ka mbaahendanev av, sha ci u mo m veren ishima sha kwagh u dedoo yô.

²¹ De undun mo ga, TERE; Aôndo wam, de gbe ca a mo ga.

²² Er fefa sha u wasen mo, Tere, myom wam. Ngun ka sha ci u orhemen u mbawanatsam. Ka sha ci u Yedutun. Ka Pasalmi u Davidi