Upasalmi 30 - ICIGHAN BIBILO

¹ Me civir We, TERE, gadia U kendem sha, U rumun mbaihomov av ve ember sha a mo ga.

² TERE, Aôndo wam, m yila U, man U beem angev kpaa.

³ TERE, U dugh uma wam ken Sheol, U nam uma, m war ken mba ve yem shin ihungwa la.

⁴ Wa nen icam i civir TER, ne mba i doo Un a ven ne, wuese nen icighanti Na.

⁵ Gadia iyugh Na ngi sha anshighe kpeghee tsô, mrumun Na yô, ngu zan zan ayange a uma u or cii; mliam ma haan ka ma tsa tugh, kpa pepe yô, a lu iember.

⁶ Mo yô, sha ikyôr yam i dedoo, m kaa mer: Me kera tenger mayange ga—

⁷ TERE, sha mrumun Wou yô, U na uwo wam tile dông— U yer ishigh You, tsô kondom iyol gbong.

⁸ M yila U TERE, ka TER m zamber a Na ye:

⁹ Ka mtsera u nyi a lu sha awambe am, aluer mea yem shin ihungwa yôô? Vuulevu ua wuese Wee? ua ôr kwagh u mimi wouwe?

¹⁰ TERE, ver ato, zungwem mhôônom; TERE, lu Or u wasen mo.

¹¹ U gemam mzungu wam hingir mo ahan; U saghem ajav, U gema u zerem iember

¹² sha er icivir yam, ia wa icam ia wuese We, ia huan ga yô. TERE, Aôndo wam, me wuese We gbem. Ka sha ci u orhemen u mbawanatsam. Ka Pasalmi u Davidi