Upasalmi 3 - ICIGHAN BIBILO

Ka Pasalmi u Davidi zum u a yevese wan na Abesalom la

¹ Kpash! TERE, mbaihomov av seer je, zua ga; ior kpishi mba moughon num a mo;

² ior kpishi mba lamen sha a mo kaan er: Ngu a mwar her Aôndo je ga. Sela.

³ Kpa We TERE, U ngum perutya u yisan mo, man icivir yam, man shi ka We U kenden mo ityough sha kpaa ye.

⁴ Ka m yila TER sha ikenge, A ungwa imo yam sha icighanwo Na kpaa. Sela.

⁵ Mo m yav inya, m gba mnyam, shi m nder, gadia TER ta ikaa ken a mo.

⁶ Me cia ior udubu kwa pue mba ve kasem a num ga.

⁷ Mough sha, TERE, yimam, Aôndo wam! U ta mbaihomov av azu sha ahenge cii, U or mbaaferev anyi.

⁸ Mwar ka hen TER a lu ye, iveren You i̱ lu sha ior Ou. Sela.