Upasalmi 28 - ICIGHAN BIBILO

¹ TERE, ka We m yer U ye; TERE, vande wam, de ongom ato ze, sha er, aluer Ú ungwam ato yô, me hingir er mba ve yem shin ihungwa la nahan.

² Ungwa imo i uzamber av, zum u me yila U yô, zum u me naregh ave am sha hen icighanjiir u ken atô la.

³ De kpelem a mbaaferev man a mbaerenaferakaa imôngo ga, mba ve er kwagh u bem a mbawanndor a ve, kpa kwagh u bo a gema a lu ve ken asema la.

⁴ Na ve injar sha aeren a ve la, man sha ifer i aeren a ve kpaa; na ve injar sha ieren i ave a ve, na ve kwagh u ve kom sha mi.

⁵ Sha ci u ve we iko sha ityom i TER man sha aeren a ave Na ga yô, Una hembe ve kera, Una kera maa ve ga.

⁶ I̱ wuese TER, er A ongo imo i uzamber av yô.

⁷ TER ka agee am je, man perutya wam kpaa, ishima yam suur sha a Na, m zough a iwasen, nahan yô, ishima yam ngi ember tsung; ka sha icam yam kpaa me wuese Un ye.

⁸ TER ka agee a ve je, ka Un A lu garutya u sha myom, sha ci u un u A shigh un mkurem la ye.

⁹ Yima ior Ou, ver dyako Wou doo doo, koson ve kpaa, zeren kenden a ve sha gbem. Ka Pasalmi u Davidi