Upasalmi 26 - ICIGHAN BIBILO

¹ Er a mo jighilii TERE, gadia mo m zenden sha mimi, m suur sha TER a akpelan ga.

² Time kwagh wam, TERE, karem doo doo, kar ahi am kua ishima yam kpaa.

³ Gadia erdoo Wou ngum sha ashe; ka sha mimi Wou m zenden ye.

⁴ M tem a ugbilinmbaiorov imôngo ga; lun yam a mbaayomov imôngo kpaa ga.

⁵ M kôr mkohol u mbaerenakaabo ihom; m rumun u teman a mbaaferev imôngo ga.

⁶ Me nyian ishô iyol; ka nahan man me ningir sha atse a Ou a nanden nagh sha mi ye, TERE;

⁷ sha er me er, á ungwa imo i ishughun yô, man me ôr akaa Ou a kpilighyol cii kpaa yô.

⁸ TERE, iyou You i U tem ker la, doom ishima, kua ijiir henpe iengem You i lu la.

⁹ De ngohol uma wam kera a u mbaasorabo la imôngo ga, shin uma wam a ior mba haan awambe la kpaa ga,

¹⁰ mba ifer i dang i lu ve sha ave, man uwegh vegh ku yanegh ku iv a inyaregh ki yamen ishô a mi la.

¹¹ Kpa mo yô, ka sha ishô yam m zenden ye; paam, zungwem mhôônom.

¹² Nguhar wam tile hen ijiir i shambe shambe; me wuese TER ken mbamkohol mba iorov je. Ka Pasalmi u Davidi