Upasalmi 17 - ICIGHAN BIBILO

Ka msen u Davidi

¹ TERE, ungwa kwagh u lun a ishô, wa iko sha mliam am; ver ato sha msen wam u a dugh ken ityumbuzwaagh u lun a icugh ga yô.

² Ijirôron mo, i̱ due her a We; ashe Ou a̱ nenge sha mimi vough.

³ U kar ishima yam, U va sôrom tugh; U karem, kpa U zua a ma kwagh ga; m wa ishima mer, zwa wam ua kar kpe ga.

⁴ Sha kwagh u aerenakaa a ior yô, sha kwaghôron u zwa Wou la, m gema m nyagh igbenda i oraperagh.

⁵ Angahar a am var sha igbenda You, angahar a am a dolough ga.

⁶ Mo m ngu yilan We, gadia We Ú ungwam, Aôndo! Ver ato her a mo, ungwa kwaghôron wam.

⁷ Tese erdoo Wou u kpilighyol, We Oryiman u mba ve yer mbaihomov vev hen uwegh Ough ku yanegh yô.

⁸ Kuram er hongorshe nahan; yerem ken mure u akper a Ou,

⁹ hen mbaaferev mba ve imbishi mo, mbaihomov av mba ve keren mo a ku, ve kasem la.

¹⁰ Ve cir asema a ve, mba er kwagh u imangeregh sha zwa ve.

¹¹ Hegen ve kase se sha zende wase, ve ver ashe sha er vea gbihi se inya yô.

¹² Ngu er begha u i sar un pe tusen nahan, bee er ka gumbegha u keghen ken ajiir a iuvugh yô.

¹³ Mough, TERE, za ta sha a na, gbihi un inya; yima uma wam sha ikev i iferor, sha sanker Wou,

¹⁴ man sha ikev i ior, sha uwegh Ough je, TERE, sha ikev i ior i tar, i kwar ve u lu hen uma ne, mba U mgbough iyav vev a kwagh u U vande veren sha ci ve la, je ônov vev kpaa kuma ve gbing gbing, ve di kpaa mba undun akaa ve a a neer la sha ci u ônov vev.

¹⁵ Kpa mo yô, me nenge ishigh You ken perapera; zum u me nder yô, mluashe Wou una kumam.