Upasalmi 150 - ICIGHAN BIBILO

¹ Haleluya. Wuese nen Aôndo ken icighanjiir Na, wuese nen Un sha kwavaôndo Na u ageegh la.

² Wuese nen Un sha aeren a Na a ageegh, wuese nen Un sha mhembe Na u A hembe cii la.

³ Wuese nen Un sha korough ku tôngon, wuese nen Un sha adiguve u vesen man u kiriki,

⁴ wuese nen Un sha gbande u kuhwan kua amar a tsuwen kpaa, wuese nen Un sha akaa a kuhwan sha ingyanyinya kua akaa a tôngon kpaa,

⁵ wuese nen Un sha ukwen mba kaan amo wang je, wuese nen Un sha ukwen mba kaan amo taver taver.

⁶ Hanma kwagh u a lu a iôôn tsô yô a̱ wuese TER. Haleluya.