Upasalmi 149 - ICIGHAN BIBILO

¹ Haleluya. Wa nen icam i he i wuese TER, wuese Un ken mkohol u uicighan Nav la.

² Iserael a̱ ember ken Un u A gbe un la, ônov mba Shion kpaa, ve̱ ember Tor ve.

³ Ve̱ wuese iti Na, ve̱ tsuwe amar, ve̱ wa atsam a wuese Un a gbande u kuhwan kua adiguve kpaa.

⁴ Gadia doo TER a ior Nav, Una wuha mbaasemaleghlegh iyol sha myom.

⁵ Uicighan Nav ve̱ ember iengem gur gur, ve̱ ember sha ugambe vev gur gur.

⁶ Iwuese i Aôndo i̱ lu ken gôngor ve, man sanker u esen akur cii, a̱ lu sha ikev ve,

⁷ sha u oron iyev sha akuraior, man u tsahan ior kpaa;

⁸ sha u kangen utor vev sha mshir, man atiator a ve kpaa sha ahye a iyôô,

⁹ sha u ôron ve ijir i i vande ngeren yô! Kwagh la una hingir icivir i mba i doo Un a ve la cii. Haleluya.