Upasalmi 14 - ICIGHAN BIBILO

Ngun ka sha ci u orhemen u mbawanatsam. Ka Pasalmi u Davidi

¹ Ibumeor ka nan kaa ken ishima i nan er: Aôndo ngu ga; ve er akaadang a ndôhôrshima; mô u eren dedoo nan ngu ga.

² TER shir ashe shin, ngu kenger ônov mba iorov, er Una nenge shin mô u lun a mkav nan ngu, u keren Aôndo.

³ Ve cii, ve hide ijime, ve hingir mbavihin cii; mô u eren dedoo nan ngu ga, môm tsô kpaa ga.

⁴ Mbaerenafer cii, mba a kwaghfan je gaa? mba ve ye ior Av er ka ruam ve ye yôô? Mba yer sha iti i TER kpaa ga.

⁵ Ka heela je mciem ma te ve iyol yum ye; gadia Aôndo ngu ken kov u perapera.

⁶ Ne mba heen mhen u icanor, kpa TER ka ijiir na i waren ker.

⁷ Kpash! Myom u Iserael ma a dugh ken Shion ma a shi ve yôô! Zum u TER Una sôr mlu u ior Nav yô, shighe la Yakob una tsuwe amar man Iserael kpaa una ember!