Upasalmi 137 - ICIGHAN BIBILO

¹ Hen uifi mba Babilon la, se tema heregh, se lu vaan, zum u se lu umbur Shion yô.

² Ka sha ikon i nerem agbaa i i lu ker la, se har mbaadiguve asev sha mi ye.

³ Keela, ve mba ve yem a vese uikangen la, sar ve u ma se we atsam, ma ve ongo yô, man ve mba ve tôvon se a ican kpaa, gema sar ve u ma se lu gur gur; ve kaa er: Wa nen icam i Shion, se̱ ungwa.

⁴ Á er nan man sé wa icam i TER ken tar ugene?

⁵ Aluer wea hungul mo yô, Yerusalem, de, uwegh agh ku yanegh kpaa ku̱ hungul iyol i ku.

⁶ Nombor wam kpaa u̱ varem sha ikughô, aluer mea umbur we ga yô, man aluer Yerusalem una hemba doon mo a kwagh u a hembe doon mo la ga yô.

⁷ TERE, umbur ônov mba Edom sha u tsahan ve sha ci u iyange i Yerusalem la, ve mba ve lu kaan er: I̱ yôhôl un, i̱ yôhôl un je i̱ ar shin ima je, la.

⁸ We, wankwase u Babilon, we u á va tim u kera ne, u nana or iyev sha a we sha akaa a u er se yô, á saan nan iyol.

⁹ Or u nana kôr mbayev ou mba kiriki, nana ta sha vande yô, á saan nan iyol je. Ka Pasalmi u Davidi