Upasalmi 136 - ICIGHAN BIBILO

¹ Wuese nen TER, gadia A doo, gadia erdoo Na ka u tsôron gbem sha won.

² Wuese nen Aôndo u mbaaôndo, gadia erdoo Na ka u tsôron gbem sha won.

³ Wuese nen Ter u uter, gadia erdoo Na ka u tsôron gbem sha won.

⁴ Wen u A eren akaakpilighyol a vesen tswen la, gadia erdoo Na ka u tsôron gbem sha won;

⁵ A er Usha sha kwaghfan, gadia erdoo Na ka u tsôron gbem sha won;

⁶ A samber tar sha mngerem ma kpishim, gadia erdoo Na ka u tsôron gbem sha won;

⁷ A er iwanger i vesen, gadia erdoo Na ka u tsôron gbem sha won;

⁸ iyange sha u i̱ tema tor atetan, gadia erdoo Na ka u tsôron gbem sha won;

⁹ uwer man asan sha u ve̱ tema di tor tugh yô, gadia erdoo Na ka u tsôron gbem sha won;

¹⁰ A tsaha Igipiti, A wua ônov vev mba iundav, gadia erdoo Na ka u tsôron gbem sha won;

¹¹ A due a Iserael ken atô ve kera, gadia erdoo Na ka u tsôron gbem sha won;

¹² a uwegh ku taver, man ikasewe i naregh, gadia erdoo Na ka u tsôron gbem sha won;

¹³ A pav Zegemnger u Nyian, gadia erdoo Na ka u tsôron gbem sha won;

¹⁴ man A er Mbaiserael per hen atô na, gadia erdoo Na ka u tsôron gbem sha won;

¹⁵ kpa A gbihi Farao a ikumutya na shin Zegemnger u Nyian, gadia erdoo Na ka u tsôron gbem sha won;

¹⁶ A hemen ior Nav gbenda u karen ken desereti, gadia erdoo Na ka u tsôron gbem sha won;

¹⁷ A wua utor mba tamen, gadia erdoo Na ka u tsôron gbem sha won;

¹⁸ A wua utor mba ageev kpaa, gadia erdoo Na ka u tsôron gbem sha won;

¹⁹ Shihon, tor u Mbaamor, gadia erdoo Na ka u tsôron gbem sha won;

²⁰ man Ogo, tor u Bashan, gadia erdoo Na ka u tsôron gbem sha won;

²¹ man A gema tar ve, hingir dyako, gadia erdoo Na ka u tsôron gbem sha won;

²² dyako sha ci u Iserael, wanakiriki Na, gadia erdoo Na ka u tsôron gbem sha won;

²³ A umbur se ken mlu wase u icivirigh ga la, gadia erdoo Na ka u tsôron gbem sha won;

²⁴ man A tsuwe se sha ikev i mbaahendanev asev, gadia erdoo Na ka u tsôron gbem sha won;

²⁵ ne mbaumav cii kwaghyan, gadia erdoo Na ka u tsôron gbem sha won.

²⁶ Wuese nen Aôndo u Sha, gadia erdoo Na ka u tsôron gbem sha won.