Upasalmi 13 - ICIGHAN BIBILO

Ngun ka sha ci u orhemen u mbawanatsam. Ka Pasalmi u Davidi

¹ Shi nan je, TERE, man Ú de u hungul mo gbeme? Shi nan je man Ú de u yeren mo ishigh Youwe?

² Shi nan je me hen akaa ken ishima yam, er ishima ka i shi nyian mo didi nee? Shi nan je orihom wam una de u hemban mo?

³ Ver ishima, ungwa imo yam, TERE, Aôndo wam! wanger ashe am, er m̱ de yaven mnyam ma kuum ga yô;

⁴ er orihom wam a̱ de kaan er: M hemba un ve, ga! mbaahendanev av kpaa, ve̱ de ember shighe u m nenge gbev la ga.

⁵ Kpa mo yô, m suur sha erdoo Wou; ishima yam ia ember myom Wou.

⁶ Me wa icam i wuese TER, gadia A er a mo doo kpishi je.