Upasalmi 128 - ICIGHAN BIBILO

¹ Hanma or u nan cie TER, shi nan zenden sha igbenda Na yô, saan nan iyol.

² Gadia ú ya kwagh sha tom u tsung u ave ou la, á lu u saan saan, á kpe u iyol kpaa.

³ Kwase wou una hingir er kon u wain u umen atam ken atô u ya wou, ônov ou vea lu er agum a ikon i olev, vea kase kwaghyan wou.

⁴ Nenge, kape iveren ia lu sha or u nan cie TER la.

⁵ TER A̱ ver u dedoo sha iveren i ken Shion, ú nenge mdoom ma Yerusalem sha ayange a uma wou cii,

⁶ ú nenge a ônov mba ônov ou je. Bem a̱ lu sha Iserael. Ka icam i zan iniongo