Upasalmi 127 - ICIGHAN BIBILO

¹ Aluer TER Una maa iyou ga yô, ka gbilin tsô mbamaan i la ve eren tom ye; man aluer TER Una kura gar ga yô, ka gbilin tsô orkuran nan kor ye.

² Ka gbilin tsô ne nderen pepe dindee shi ne yaven fefa ga tugh, ne ye kwaghyan u sha tom u ican ye, gadia ka A na mbadoon Un ishima ken mnya.

³ Nenge, ônov mba nomso ka dyako u TER A ne yô, man kwagh u a dugh ken sagh kpaa ka injar i A ne yô.

⁴ Er avaan ka a lu sha uwegh ku orageegh nahan, kape ônov mba nomso mba i mar ve, mbamaren vev ve lu iyev her, ve lu la.

⁵ Saan or u gbande u nan a iv a ve la, iyol! kunya ua kôr ve ga, zum u vea ôron kwagh a mbaihomov vev sha hundagar yô. Ka icam i zan iniongo