Upasalmi 12 - ICIGHAN BIBILO

Ngun ka sha ci u orhemen u mbawanatsam; i ver un sha imo i kehen ikenge. Ka Pasalmi u Davidi

¹ TERE, yima, gadia or u cian Aôndo kera ngu ga; gadia mbamimi ve bee ken ônov mba iorov kera.

² Hanma or ka aie tsô nan eren a orwanndor a nan ye; sha ityumbuzwaagh i nyohon, mba er kwagh sha asema ahar.

³ TER A̱ tim ityumbuzwaagh i nyohon la cii, kua shi nombor u u te ihagh la kpaa;

⁴ ve mba ve kaan er: Ka sha nombor wase man sé hemba la; ityumbujôôgh yase ka i yase ayol a ase je, ka an nan lu tor sha a vese?

⁵ Sha ci u mkighir u i kighir mbaatsanev man mtoghor u mbaibanave yô, Me mough hegen kape TER A kaa la, Me ver or u nan lu tômon la, nana tema a mkpeyol.

⁶ Akaaôron a TER yô, ka a wang je, er azurfa u i ser un ken adum u shin inya, u i ser un kwa taankaruhar je.

⁷ We, Ú koson ve, TERE; Ú kuran se sha kov ne gbem.

⁸ Mbaaferev mba zenden wue wue hanma ian kpaa, zum u ka a kende akaadang sha ken ônov mba iorov la.