Upasalmi 113 - ICIGHAN BIBILO

¹ Haleluya. Wuese nen, ne mbayev mba TER, wuese nen iti i TER.

² I̱ wuese iti i TER, hii hegen je zan zan gbem sha won.

³ Hii sha iyangeduen je, zan zan iyangemiren á wuese iti i TER.

⁴ TER ngu sha, kar akuraior sha cii, iengem Na kpaa kar Usha je.

⁵ Ka an nan lu er TER, Aôndo wase, u A tem Sha,

⁶ Un u ka A shir ashe shin sha u Una nenge Sha man tara?

⁷ Ka A dugh icanor shin vuulevu kera, A mough a nan sha, A kende a oribanave shin tihi u ihôgh sha,

⁸ er ve̱ tema a mbatarev imôngo, ka mbatarev mba ior Nav je la.

⁹ Ka A na, ikômkwase nan lu a ya, nan lu ngô u saan saan u mbayev. Haleluya.