Upasalmi 1 - ICIGHAN BIBILO

RUAMABERA U HIIHII ( 1—41 )

¹ I saan or u nan zenden sha mhen u mbaaferev ga la iyol, gbenda u mbaasorabo nan til sha u ga, mbanahantar kpaa nan tem imôngo a ve ga;

² atindi a TER ka kwagh u gban nan ishima, shi ka atindi a Na nan zeren henen a ken ishima tugh kua tetan kpaa ye.

³ Nan ngu er kon u i môôr hen ukungômbamngerev, u u um sha shighe u u yô, ika i u kpaa ngi usu ga; hanma kwagh u nan eren kpaa, nana kure un vough.

⁴ Mbaaferev yô, mba nahan ga; ve yô, mba er imough i ahumbe a purugh a i yô,

⁵ ka nahan man mbaaferev vea tile sha, sha iyange i ijir ga, man mbaasorabo kpaa ken mkohol u mbaperapera ga ye,

⁶ gadia TER fa gbenda u mbaperapera, kpa gbenda u mbaaferev yô, ua saa ishe.