Numeri 7 - ICIGHAN BIBILO

¹ Tsô sha iyange i Mose tim tabernakel kera la, a shighe un mkurem a tsegha un kua ikav mbi kimi cii, man atse a nanden nagh sha mi kua ikav mbi a cii kpaa; er a shighe mbi mkurem a tsegha mbi kera la,

² mbahemenev mba Iserael, uityombaiorov, mba sha uya mba uter vev, va na nagh; ka mba ve lu mbahemenev sha ikwe, mba ve lu nengen sha mba i ôr iyenge ve la;

³ ve va a nagh vegh sha ishigh ki TER; akeke a kpelan ikav ataratar a lun a haav, man ibua pue kar ihiar; mbahemenev uhar na ikyekye i môm, hanma orhemen na bua môm, ve va na hen hunda u tabernakel.

⁴ Tsô TER ôr kwagh a Mose, kaa er:

⁵ Ngohol a hen ve sha u á eren tom u tenti u kohol ker la a mi yô, gema a, na Mbalevi, na hanma or sha mlu u tom u nan.

⁶ Tsô Mose ngohol akeke a kpelan ikav kua ibua la, na Mbalevi.

⁷ Akeke ahar kua ibua inyiin, a na ônov mba Gershon, sha mlu u tom ve;

⁸ akeke anyiin man ibua anigheni, a na ônov mba Merari, sha mlu u tom ve, sha ikev i Itamar wan u pristi Aron.

⁹ Kpa ônov mba Kohati yô, a na ve kwagh ga, gadia ve, ve lu eren tom u icighanjiir, ve tôôn ikav nav sha avande.

¹⁰ Mbahemenev va a nagh ku tseghan atse a nanden nagh la, sha iyange i i shigh a mkurem la; mbahemenev va na nagh vegh sha ishigh ki atsegh.

¹¹ TER kaa a Mose er: Ve̱ na nagh vegh, hanma orhemenegh nana̱ na sha iyange i nan kposo, sha ci u tseghan atse a mi.

¹² Or u nan na nagh ku nan sha iyange i hiihii la yô, lu Nakeson wan u Aminadabi u ken kwe u Yuda;

¹³ nagh nagh yô, lu tasa u azurfa môm, myohom nam lu ushekel deri man ikundugber, man iwese i azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha mi yô, sha ci u nagh ku sha samuyia;

¹⁴ gbande u zenaria môm u sha ushekel pue, iv a kwaghhumandoon u nanden;

¹⁵ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

¹⁶ kpev môm, sha ci u nagh ku isholibo;

¹⁷ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Nakeson wan u Aminadabi je ne.

¹⁸ Sha iyange i sha uhar la Netanel wan u Suar, orhemenegh u Isakar na nagh;

¹⁹ nagh nagh ku a na yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha mi yô, sha ci u nagh ku sha samuyia;

²⁰ gbande u zenaria môm u sha ushekel pue, iv a kwaghhumandoon u nanden;

²¹ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

²² kpev môm sha ci u nagh ku isholibo;

²³ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Netanel wan u Suar je ne.

²⁴ Sha iyange i sha utar la, Eliabi wan u Helon, orhemenegh u ônov mba Sebulon;

²⁵ nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

²⁶ gbande u zenaria môm u sha ushekel pue, iv a kwaghhumandoon u nanden;

²⁷ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

²⁸ kpev môm sha ci u nagh ku isholibo;

²⁹ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Eliabi, wan u Helon je ne

³⁰ Sha iyange i sha unyiin la Elisur wan u Sedeur orhemenegh u ônov mba Ruben,

³¹ nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii, ve iv a mwem ma kengese ma i nongo mkurem sha min yô, sha ci u nagh ku sha samuyia;

³² gbande u zenaria môm u sha ushekel pue, iv a kwaghhumandoon u nanden;

³³ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

³⁴ kpev môm sha ci u nagh ku isholibo;

³⁵ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Elisur, wan u Sedeur je ne.

³⁶ Sha iyange i sha utaan la Selumiel wan u Surisadai, orhemenegh u ônov mba Shimeon;

³⁷ nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

³⁸ gbande u zenaria môm u sha ushekel pue, iv a kwaghhumandoon u nanden;

³⁹ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

⁴⁰ kpev môm sha ci u nagh ku isholibo;

⁴¹ man nagh ku sôngon ku bem yô, lu: ibua ihiar, anomaiyôngo ataan ukpev utaan, agumaiyôngo ataan a a kom inyom i môm môm yô; ka nagh ku Selumiel wan u Surisadai je ne.

⁴² Sha iyange i sha ataratar la, Eliasav wan u Reuel, orhemenegh u ônov mba Gadi;

⁴³ nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

⁴⁴ gbande u zenaria môm u sha ushekel pue, iv a kwaghhumandoon u nanden;

⁴⁵ gumbua môm, nomiyôngo môm, gumiyôngo u a kom inyom i môm yô, sha ci u nagh ku nanden;

⁴⁶ kpev môm sha ci u nagh ku isholibo;

⁴⁷ man nagh ku sôngon ku bem yô, lu; ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Eliasav wan u Reuel je ne.

⁴⁸ Sha iyange i sha utaankaruhar la, Elishama wan u Amihudi, orhemenegh u ônov mba Eferaim;

⁴⁹ nagh nagh yô, lu tasa u azurfa môm myohom nam lu ushekel deri man ikundugber, man iwese i azurfa môm u sha ushekel akunduatargber lu shekel u icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

⁵⁰ gbande u zenaria môm u sha ushekel pue, iv a kwaghhumandoon u nanden;

⁵¹ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

⁵² kpev môm sha ci u nagh ku isholibo;

⁵³ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Elishama, wan u Amihudi je ne.

⁵⁴ Sha iyange i sha anigheni la, Gamaliel wan u Pedasur, orhemenegh u ônov mba Manase;

⁵⁵ nagh nagh yô, lu tasa u azurfa môm, myohom nam ku ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

⁵⁶ gbande u zenaria môm u sha ushekel pue, iv a kwaghhumandoon u nanden;

⁵⁷ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

⁵⁸ kpev môm sha ci u nagh ku isholibo;

⁵⁹ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm; yô ka nagh ku Gamaliel, wan u Pedasur je ne.

⁶⁰ Sha iyange i sha utaankarunyiin la, Abidan wan u Gideoni, orhemenegh u ônov mba Benyamin;

⁶¹ nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

⁶² gbande u zenaria môm u sha ushekel pue, iv a kwaghhumandoon u nanden;

⁶³ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

⁶⁴ kpev môm sha ci u nagh ku isholibo;

⁶⁵ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Abidan wan u Gideoni je ne.

⁶⁶ Sha iyange i sha pue la, Ahieser wan u Amisadai, orhemenegh u ônov mba Dan;

⁶⁷ nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

⁶⁸ gbande u zenaria môm u sha ushekel pue iv a kwaghhumandoon u nanden;

⁶⁹ gumbua môm, nomiyôngo môm, gumiyôngo môm u a kom inyom i môm yô, sha ci u nagh ku nanden;

⁷⁰ kpev môm sha ci u nagh ku isholibo;

⁷¹ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Ahieser, wan u Amisadai je ne.

⁷² Sha iyange i sha pue kar môm la, Pagiel wan u Okeran, orhemenegh u ônov mba Asher;

⁷³ nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

⁷⁴ gbande u zenaria môm u sha ushekel pue, iv a kwaghhumandoon u nanden;

⁷⁵ gumbua môm, nomiyôngo môm, gumiyôngo môm, u a kom inyom i môm yô, sha ci u nagh ku nanden;

⁷⁶ kpev môm sha ci u nagh ku isholibo;

⁷⁷ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Pagiel wan u Okeran je ne.

⁷⁸ Sha iyange i sha pue kar uhar la Ahira, wan u Enan, orhemenegh u ônov mba Nafetali;

⁷⁹ nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm, u sha ushekel akunduatargber, lu shekel u hen icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;

⁸⁰ gbande u zenaria môm u sha ushekel pue, iv a kwaghhumandoon u nanden;

⁸¹ gumbua môm nomiyôngo môm, gumiyôngo môm u a kom inyom i môm yô, sha ci u nagh ku nanden;

⁸² kpev môm sha ci u nagh ku isholibo;

⁸³ man nagh ku sôngon ku bem yô, lu: ibua ihiar, anomaiyôngo ataan, ukpev utaan, agumaiyôngo ataan a a kom inyom i môm i môm yô; ka nagh ku Ahira wan u Enan je ne.

⁸⁴ Ka iwua i sha mtsegh u atse a nanden nagh sha mi la, i mbahemenev mba Iserael na, sha iyange i i shighe a mkurem je la; utasa mba azurfa pue kar uhar, iwese i azurfa pue kar ihiar, agbande a zenaria pue ka ahar;

⁸⁵ hanma tasa u azurfa lu ushekel deri man ikundugber, hanma iwese lu ushekel akunduatargber; azurfa u ikav mbila cii kuma ushekel dubu uhar man deri unyiin, lu shekel u icighanjiir la;

⁸⁶ agbande a zenaria pue kar ahar, a a iv a kwaghhumandoon u nanden, hanma gbande lu ushekel pue, lu shekel u icighanjiir la; zenaria u agbande la cii, kuma ushekel deri man ikundu;

⁸⁷ ibua i nan nagh ku nanden a mi cii lu: anomabua pue kar ahar, anomaiyôngo pue kar ahar, agumaiyôngo a a kom inyom i môm i môm kpaa pue kar ahar a nagh ku a ku sha samuyia; ukpev sha ci u nagh ku isholibo, pue kar uhar;

⁸⁸ ibua sha ci u nagh ku sôngon ku bem cii yô, lu: anomabua ikundu kar anyiin, anomaiyôngo akunduatar, ukpev akunduatar, agumaiyôngo a a kom inyom i môm i môm kpaa akunduatar. Ka iwua i sha mtsegh u atse a nanden nagh sha mi er i shighe a mkurem kera la je la.

⁸⁹ Zum u Mose nyôr ken tenti u kohol ker la, sha u ôron kwagh a Na yô, a ungwa Imo lu ôron kwagh a na sha ijiir i nan iwom her i i lu sha areki u shiada hen atô u ucerubi uhar la; tsô A ôr kwagh a na.