Numeri 33 - ICIGHAN BIBILO

¹ Ka myem u Mbaiserael lu haan afo yemen, zum u ve due ken tar u Igipiti akum akum sha ikev i Mose man Aron ne:

² Mose nger ajiir a ve lu hemben, yemen hemen hemen la sha imo i TER; ka ajiir a ve lu hemben sha a, yemen ne:

³ Ve hembe hen Ramese sha uwer u hiihii, sha ayange a pue kar ataan a uwer hiihii la; kper nan ken ijime i Paseka la, Mbaiserael due sha uwegh ku ageegh sha ashe a Mbaigipiti cii,

⁴ Mbaigipiti gema lu iin ônovmbaiundav vev mba TER wua ve cii la; mbaaôndo vev kpaa, TER ôr ve ijir tsaha ve.

⁵ Mbaiserael hembe hen Ramese ve za haa hen Sukoti.

⁶ Ve hembe hen Sukoti ve za haa hen Etam u a lu hen kpe u desereti la.

⁷ Ve hembe hen Etam, ve hide hen Pihahiroti u a lu sha ishigh ki Baal-sefon la, ve za haa sha ishigh ki Mikidol.

⁸ Ve hembe hen ishigh ki Pihahiroti, ve per hen atô u zegemnger ve nyôr ken desereti; ve tsa gbenda ken desereti u Etam ayange atar ve za haa hen Mara.

⁹ Ve hembe hen Mara ve za haa hen Elim; hen Elim la ihwembe i mnger lu pue kar ihiar man atineavilegh akunduatargber; ve haa her.

¹⁰ Ve hembe hen Elim ve za haa hen kpe u Zegemnger u Nyian.

¹¹ Ve hembe hen kpe u Zegemnger u Nyian ve za haa hen desereti u Sen.

¹² Ve hembe hen desereti u Sen ve za haa hen Dofeka.

¹³ Ve hembe hen Dofeka ve za haa hen Alushi.

¹⁴ Ve hembe hen Alushi ve za haa hen Rafidim, henpe ior zua a mngerem ma man ga la.

¹⁵ Ve hembe hen Rafidim ve za haa hen desereti u Senai.

¹⁶ Ve hembe hen desereti u Senai ve za haa hen Kiberoti-hataawa.

¹⁷ Ve hembe hen Kiberoti-hataawa ve za haa hen Haseroti.

¹⁸ Ve hembe hen Haseroti ve za haa hen Ritema.

¹⁹ Ve hembe hen Ritema ve za haa hen Rimon-perese.

²⁰ Ve hembe hen Rimon-perese ve za haa hen Libena.

²¹ Ve hembe hen Libena ve za haa hen Risa.

²² Ve hembe hen Risa ve za haa hen Kehelata.

²³ Ve hembe hen Kehelata ve za hen uwo u Sefer.

²⁴ Ve hembe hen uwo u Sefer ve za haa hen Harada.

²⁵ Ve hembe hen Harada ve za haa hen Makeloti.

²⁶ Ve hembe hen Makeloti ve za haa hen Tahati.

²⁷ Ve hembe hen Tahati ve za haa hen Tera.

²⁸ Ve hembe hen Tera ve za haa hen Miteka.

²⁹ Ve hembe hen Miteka ve za haa hen Hasemona.

³⁰ Ve hembe hen Hasemona ve za haa hen Moseroti.

³¹ Ve hembe hen Moseroti ve za haa hen Bene-yaken.

³² Ve hembe hen Bene-yaken ve za haa hen Hor-hagidigadi.

³³ Ve hembe hen Hor-hagidigadi ve za haa hen Yotabata.

³⁴ Ve hembe hen Yotabata ve za haa hen Aberona.

³⁵ Ve hembe hen Aberona ve za haa hen Eshion-geber.

³⁶ Ve hembe hen Eshion-geber ve za haa hen desereti u Zin, ka Kadeshi je la.

³⁷ Ve hembe hen Kadeshi ve za haa hen uwo u Hor hen ikighirtar i Edom.

³⁸ Pristi Aron unde sha uwo u Hor, sha imo i TER, maa kpe sha mi sha inyom i akunduahar ken ijime i mdugh u Mbaiserael ken tar u Igipiti, sha uwer u sha utaan, sha iyange i hiihii i uweregh la.

³⁹ Anyom a Aron lu deri man ikundu kar atar zum u a kpe sha uwo u Hor la.

⁴⁰ Tor u Ardi Orkanaan u a tema ken Imbusutariyan ken tar u Kanaan la, a ungwa mve u Mbaiserael.

⁴¹ Ve hembe hen uwo u Hor ve za haa hen Salamona.

⁴² Ve hembe hen Salamona ve za haa hen Punon.

⁴³ Ve hembe hen Punon ve za haa hen Oboti.

⁴⁴ Ve hembe hen Oboti ve za haa hen Iye-abarim hen ikighir i Moabi.

⁴⁵ Ve hembe hen Iyim ve za haa hen Dibon-gadi.

⁴⁶ Ve hembe hen Dibon-gadi ve za haa hen Alemon-dibelataim.

⁴⁷ Ve hembe hen Alemon-dibelataim ve za haa hen iwo i Abarim sha ishigh ki Nebo.

⁴⁸ Ve mough hen iwo i Abarim ve za haa hen ukpuunkpuun mba Moabi hen kpe u Yordan tiôn u hen Yeriko la.

⁴⁹ Ve haa hen Yordan hii hen Bete-yeshimoti zan zan ar hen Abel-shitim hen ukpuunkpuun mba Moabi.

⁵⁰ TER ôr kwagh a Mose hen ukpuunkpuun mba Moabi hen kpe u Yordan tiôn u hen Yeriko, A kaa er:

⁵¹ Ôr kwagh a ônov mba Iserael kaa a ve wer: Zum u né per Yordan, né za nyôr ken tar u Kanaan yô,

⁵² zenda nen mba ve tem ken tar la cii, shi hembe nen ieev vev mbi keren a ker cii, vihi nen ajiir a ve a taven sha la cii;

⁵³ ngohol nen tar la, tema ker, gadia ka ne M ne ne tar la Mer u̱ lu u wen ye.

⁵⁴ Ya nen dyako u tar la sha ishor i eren sha uipaven enev; mba ve ngee yô, na nen ve dyako a̱ ngee, mba ve ndahar yô, na nen ve dyako a̱ ndahar, henpe ishor i tese hanma or yô, hingir kwagh u nan heregh je ve; ka sha ikwe i uter enev, ya nen dyako ye.

⁵⁵ Kpa aluer nea zenda mba ve tem ken tar la sha ishigh yenegh kera ga yô, ve mba ne de ve la, vea hingir kwagh u civin ne ken ashe man kwagh u kuman ne ken ihan, vea zaan ne iyol ken tar u ne tema ker la.

⁵⁶ Nahan yô, er M we ishima u eren a ve la, kape Me er a ven je la.