Nehemia 10 - ICIGHAN BIBILO

¹ Mba ve ver ikav yô, lu: Gomna Nehemia wan u Hakalia man Sedekia,

² Seraia, Asaria, Yeremia,

³ Pashur, Amaria, Malkiya,

⁴ Hatushi, Shebania, Maluki,

⁵ Harim, Meremoti, Obadia,

⁶ Daniel, Gineton, Baruki,

⁷ Meshulam, Abiya, Miyamin,

⁸ Maashia, Bilgai, Shemaia; ka upristi je la.

⁹ Mbalevi yô, lu: Yeshua wan u Asania, Binui u ken ônov mba Henadadi, Kademiel;

¹⁰ kua anmgbianev vev: Shebania, Hodia, Kelita, Pelaia, Hanan,

¹¹ Mika, Rehobi, Hashabia,

¹² Sakur, Sherebia, Shebania,

¹³ Hodia, Bani, Beninu.

¹⁴ Uityombaiorov yô, lu: Paroshi, Pahati-moabi, Elam, Satu, Bani,

¹⁵ Buni, Asegadi, Bebai,

¹⁶ Adoniya, Bigevai, Adin,

¹⁷ Ater, Hesekia, Asur,

¹⁸ Hodia, Hashum, Besai,

¹⁹ Hariv, Anatoti, Nebai,

²⁰ Magepiashi, Meshulam, Heshir,

²¹ Meshesabel, Sadoki, Yadua.

²² Pelatia, Hanan, Anaia,

²³ Hoshea, Hanania, Hashubi,

²⁴ Haliheshi, Pilha, Shobeki,

²⁵ Rehum, Hashebena, Maaseia,

²⁶ Ahia, Hanan, Anan,

²⁷ Maluki, Harim man Baana.

²⁸ Man ior mbagenev, upristi man Mbalevi man mbakuranihinda man mbawanatsam man mbasôrontempel kua mba ve kem ayol a ve a ior mba ken ityar la sha u kuran atindi a Aôndo yô, kasev vev man ônov vev mba nomso man mba kasev, hanmô u nan kom u ungwan kwagh kaven yô,

²⁹ ve var a anmgbianev vev kua mbatamen vev, ve zua zwa ve tseva zwa, shi ve bum er vea zende sha atindiakaa a Aôndo, a i na sha ikev i Mose wanakiriki u Aôndo la, shi vea wa atindi a TER, Ter wase, cii iko, vea er sha mi, kua akaaôron a Na a jirigh man akaawan a Na kpaa;

³⁰ mayange sé kera na ônov asev mba kasev hen ior mba ken tar ne ga, man shi mayange sé er ônov vev mba kasev sha ci u ônov asev mba nomso ga;

³¹ man aluer ior mba ken tar ne vea va a ikav mbi teen shin hanma injakwaghyan sha iyange i memen sha u teen yô, sé yam a ve sha iyange i memen ga, shin sha ma icighaniyange kpaa ga; man hanma inyom i sha utaankaruhar la sé tsôr sule, shi sé kera yar ma injô kpaa ga.

³² Shi se zua zwa ayol a ase, sé na vegher môm u ken avegher atar a shekel hanma inyom sha ci u tom u iyou i Aôndo wase;

³³ sha ci u ubredi mba sha ishi, man nagh ku sha samuyia ku ayange ayange, man nagh ku nanden ku ayange ayange, man ku sha ayange a memen man sha iwer i he, man sha ci u uiniongo, man sha ci u uicighanmbaakaav, man iniav mbi asorabo sha u wamen sha ci u Iserael, man sha ci u tom u iyou i Aôndo wase cii.

³⁴ Man se, upristi man Mbalevi kua ior mbagenev sé er ishor sha u fan mba vea naan ikon i van a mi ken iyou i Aôndo wase yô, sha uya mba uter asev, sha ashighe a i ver sha anyom anyom la, sha u nanden sha atse a nanden nagh sha mi a TER, Aôndo wase, er i nger ken atindiakaa nahan.

³⁵ Shi se tôndo zwa u van a iyiagh ki tsutswagh ki ishule yase, man atam a tsutswa a hanma injakon, anyom anyom, ken iyou i TER;

³⁶ man shi ônov asev mba iundav mba nomso kua mba uzendenya asev er i nger ken atindiakaa nahan, man ônov mba iundav mba abua a ase, man mba iyôngo yase, sé va a mi hen you i Aôndo wase, hen upristi mba ve eren tom ken iyou i Aôndo wase;

³⁷ man sé va a mwem asem ma geran ma hem, man iniav yasev mbi nan la, man atam a hanma injakon, man wain man mkurem, hen upristi, ken ayou a koson akaa ker a ken iyou i Aôndo wase; man sé va a môm-ken-upue u ishule yase hen Mbalevi; gadia Mbalevi vea ngohol môm-ken-upue sha agar a se kahan sule cii.

³⁸ Pristi wan u Aron una lu a Mbalevi imôngo, zum u Mbalevi vea ngohol môm-ken-upue yô, shi Mbalevi vea tsuwa môm-ken-upue u umôm-ken-upue mba akaav la, vea va a mi hen iyou i Aôndo wase, ken ukpar mba ken iyou i koson akaa ker la.

³⁹ Gadia Mbaiserael man Mbalevi vea va a iniav mbi alakema man wain man mkurem, hen ayou, henpe ikav mbi icighanjiir, man upristi mba ve eren tom la, man mbakuranhunda kua mbawanatsam ve lu yô; mayange sé kera gbihi iyou i Aôndo wase ga.