Nahum 2 - ICIGHAN BIBILO

¹ Orhembenkwagh va u sha ishi ve; kura iyou i utya, nenge sha gbenda, taver iwenge, taver agee ou tsung je.

² Gadia TER ngu hiden a civir i Yakob her, er icivir i Iserael nahan, gadia mbasarenior va sar ve, ve vihi agbaa ve kera.

³ Perutya u mbaageev nav i er u ngu nyian, anomaior haa akondo a nyian bong; akekeautya engem er usu nahan sha iyange i a wa ago iyol la, man mba kunden awange sha tsung je.

⁴ Akekeautya nga huran sha akômaigbinda nga yevese sha ityembe tsung je, mlu u a ngu er akaghausu nahan, ka a nyôngoso er inyiar nahan.

⁵ A umbur ukurmbautyav nav, mba nôngon gbev ken zende ve u fefa la, ve za fefa sha kpekpe, i sôr haav mbu utya mbu yeren ker ve.

⁶ I bugh ihinda i uifi, iyou i tor sough.

⁷ I vande kuren kwagh kera ve, i due a na ken igbar, i yem a na; ikpan i ukase na ngi gberen kwelegh eren imo er mbaatii nahan, mba kuren ave sha vanger.

⁸ Kera je, Nineve lu er ityungumnger nahan; nahan kpaa ma kuwa kera. Tile nen, tile nen! Kpa ma or gema ashe ijime ga.

⁹ Kura nen ishar i azurfa, kura ishar i zenaria; gadia inyaregh ngee gande, ikav mbi injaav mgbough.

¹⁰ Ngu a kwagh ga, ngu gbilin, hingir ice; asema sough, anu nga gbidyen ikarikase, mnyoonom ma ken awenge cii, ishiv vev cii hingir peng.

¹¹ Ivugh i ubegha ngi hana, ijiir i yan kwagh i agumaubegha la? Henpe begha man ngôbegha ve zenden a wanbegha yô, man ma or ta ve mciem iyol ga la.

¹² Begha ande avur avur kuma sha ci ônov nav, man a sende ishôso ave iker sha ci u ungômbaubegha, a iv ubar nav sha ishar, man avugh a na sha agunduainyam.

¹³ Nenge, M ngu num a we, kape TER u akum a Sha A kaa ne, Me nande akeke a ou a utya a̱ hingir mnyim, sanker kpaa una ya agumaubegha a ou; Me tim ishar you shin tar kera, á kera seer ungwan imo i mbatyomov ou ga.