Mpase U Yohane 15 - ICIGHAN BIBILO

¹ M shi m nenge ivande igen Sha, i vesen i kpiligh iyol kpaa. Mbatyomov mba Shaav utaankaruhar, lu a atsan a ataankarahar, ka a masetyô je la, gadia ka sha a je iyugh i Aôndo ia kure ye.

² Shi m nenge kwagh er zegemnger u lun er gelase nahan u i nongo usu sha mi yô. Mba ve hembe inyam la man shi eev mbu i man shi iyenge i iti i i yô, ve tile ken kpezegemnger u lun er gelase nahan la, ve lu a mbaadiguve mba Aôndo.

³ Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.

⁴ We, Tere, ka an je nana cia U ga, man shi ka an nana civir iti You kpaa ga? Gadia ka We tseegh U lu wang ye, akuraior cii aa va aa va gure sha ishigh You gadia i pase ajir a ôron a Ou a jighjigh la ken igbar ve.

⁵ Ken masetyô u akaa ne m nenge i bugh tempel u tenti u shiada Sha.

⁶ Tsô mbatyomov mba Shaav mba utaankaruhar mba ve lu a atsan a ataankarahar la due ken tempel. Ve haa akondo iyol a wang a engem, shi ve zer ikwange i zenaria sha vanger.

⁷ U môm ken akaauma anyiin la gema na mbatyomov mba Shaav mba utaankaruhar mbala agbande a zenaria ataankarahar iv a iyugh i Aôndo u A lu uma gbem sha won la.

⁸ Tsô tempel iv a mnyim ma iengem i Aôndo man shi mnyim ma agee a Na kpaa, ma or môm kera fatyô u tilen ken tempel ga, saa atsan a ataankarahar a mbatyomov mba utaankaruhar mbala aa bee kera ve.