Malaki 4 - ICIGHAN BIBILO

¹ Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

² Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

³ Né ndyar mbaaferev; gadia vea hingir mtwem shin akevangahar a en sha iyange i Me er i yô, kape TER u akum a Sha A kaa ne.

⁴ Umbur nen atindiakaa a wanakiriki wam Mose, a M wa Un sha uwo u Horebi sha ci u Mbaiserael cii, ka akaawan man ajiraôron je la.

⁵ Nenge nen, tindin Yam ne a profeti Eliya er iyange i vesen i cieryol i TER i lu a va ga yô.

⁶ Una va gema asema a uter á hide hen uôn, man asema a uôn di kpaa á hide hen uter vev; sha u M̱ de kera va timin tar purututu ga yô.