Genese 36 - ICIGHAN BIBILO

¹ Ingin ka icombor i Isou, ka un Edom je la.

² Isou er kasev nav ken ônov mba Kanaan: Ada, wan u Elon, Orhiti, man Oholibama, wan u Ana, wan u Shibeon, Orhivi,

³ man Basemati, wan u Ishemael, anmgbian u Nebayoti.

⁴ Ada mar Elifasa a Isou; Basemati gema mar Reuel;

⁵ Oholibama mar Yeushi man Yalam kua Kora; mban ka ônov mba Isou mba i mar un ve, ken tar u Kanaan la.

⁶ Isou kura kasev nav kua ônov nav mba nomso man mba kasev man mba hen ya na cii man ilev nav man uzendenya kua inyarev nav mbi a kohol ken tar u Kanaan cii, a yem ken tar ugen ca je, a undu idyondon na Yakob.

⁷ Gadia akaa a ve ngee gande u vea tema imôngo; tar u ve lu shir ker la, yina ve, gadia uzendenya vev ngee yum.

⁸ Isou za tema hen uwo u Seir; Isou ka Edom.

⁹ Ingin ka icombor i Isou, ter u Mbaedom, hen uwo u Seir ne:

¹⁰ Ati a ônov mba Isou yô, ka a ne: Ka Elifasa wan u Ada, kwase u Isou, man Reuel wan u Basemati, kwase u Isou.

¹¹ Ônov mba Elifasa yô, ka: Teman man Omar man Sefo man Gatam kua Kenashi.

¹² Timna lu kwase u sha uika u Elifasa wan Isou, a mar Amaleki a Elifasa; mban ka ônov mba Ada kwase u Isou je la.

¹³ Mban ka ônov mba Reuel ne: Ka Nahati man Sera man Shama man Misa; mban ka ônov mba Basemati kwase u Isou je la.

¹⁴ Mban ka ônov mba Oholibama wan u Ana, wan u Shibeon, kwase u Isou; a mar Yehushi man Yalam kua Kora, a Isou.

¹⁵ Mban ka uityombaiorov mba ônov mba Isou ne: Ônov mba Elifasa, waniunda u Isou, ka: uityombaiorov, Teman man Omar man Sefo man Kenashi

¹⁶ man Kora man Gatam man Amaleki; mban ve lu uityombaiorov mba hen Elifasa ken tar u Edom; ka ônov mba Ada je la.

¹⁷ Mban ka ônov mba Reuel wan u Isou ne: Ka uityombaiorov, Nahati man Sera man Shama man Misa; mban ka uityombaiorov mba hen Reuel ken tar u Edom; mban ka ônov mba Basemati kwase u Isou je la.

¹⁸ Mban ka ônov mba Oholibama kwase u Isou ne: Ka uityombaiorov, Yehushi man Yalam man Kora; mban ka uityombaiorov mba hen Oholibama wan u Ana kwase u Isou je la.

¹⁹ Mban ka ônov mba Isou, man uityombaiorov vev kpaa; ka ve Edom je la.

²⁰ Mban ka ônov mba Seir, Orhori, mba i lu tar ve la: Ka Lotan man Shobal man Shibeon man Ana

²¹ man Dishon man Eser man Dishan; mban ka uityombaiorov mba hen Mbahori, ônov mba Seir, ken tar u Edom la.

²² Ônov mba Lotan ka: Hori man Heman; man anngô u Lotan yô, lu Timna.

²³ Mban ka ônov mba Shoba, ne: Ka Alavan man Manhati man Ebal man Sefo man Onam.

²⁴ Mban ka ônov mba Shibeon je: Ka Aya man Ana; ngun ka Ana u a zua a amboramnger a tseen ken desereti, zum u a lu kuran ujaki mba ter na Shibeon la.

²⁵ Mban ka ônov mba Ana ne: Ka Dishon man Oholibama wan u Ana u kwase.

²⁶ Mban ka ônov mba Dishon je: Ka Hemedan man Esheban man Iteran man Keran.

²⁷ Mban ka ônov mba Eser ne: Ka Bilhan man Saavan man Akan.

²⁸ Mban ka ônov mba Dishan je: Ka Ushi man Aran.

²⁹ Mban ka uityombaiorov mba hen Mbahori ne: Ka uityombaiorov Lotan man Shobal man Shibeon man Ana

³⁰ man Dishon man Eser man Dishan; mban ka uityombaiorov mba Mbahori sha uipaven vev ken tar u Seir je la.

³¹ Mban ka uityombaiorov mba ve tema tor ken tar u Edom je er ma tor lu a tema tor sha Mbaiserael ga je:

³² Bela wan u Beor tema tor ken Edom, iti i gar na er Dinhaba.

³³ Bela kpe kera yô, Yobabi wan u Sera u ken Bosera ya tor sha ityough nagh.

³⁴ Yobabi va kpe yô, Husham u hen tar u Mbateman ya tor sha ityough nagh.

³⁵ Husham va kpe yô, Hadadi wan u Bedadi u a ta num sha Mbamidian a hemba ve ken akôngo a Moabi la, tema tor sha ityough nagh, iti i gar na er Aviti.

³⁶ Hadadi va kpe yô, Samla u ken Masereka tema tor sha ityough nagh.

³⁷ Samla va kpe yô, Shaul u ken Rehoboti u hen Ifi la, tema tor sha ityough nagh.

³⁸ Shaul kpe yô, Baal-hanan wan u Akebor tema tor sha ityough nagh.

³⁹ Baal-hanan wan u Akebor va kpe yô, Hadar tema tor sha ityough nagh; iti i gar na er Pahu; iti i kwase na er Mehetabel, wan u Materedi, wan u Mesahaba.

⁴⁰ Angan ka ati a utyombaiorov mba hen Isou ne, sha icombor ve, sha ajiir a ve, man ati a ve kpaa; ka: Timna, Alva, Yetete,

⁴¹ Oholibama, Ela, Pinon,

⁴² Kenashi, Teman, Mibesar,

⁴³ Makediel, Iram; mban ka uityombaiorov mba Edom sha ajiir a teman a ve ken tar ve je la; ka Isou a lu ter u Mbaedom ye.