Genese 10 - ICIGHAN BIBILO

¹ Ingin ka icombor i Shem man Ham kua Yafeti, ônov mba Noa. Ve mar ônov zum u mngerem ma deemee bee kera la.

² Ônov mba Yafeti yô, ka: Gomer man Magogi man Madai man Yavan man Tubal man Mesheki kua Tirase.

³ Ônov mba Gomer yô, ka: Asekenashi man Rifati kua Togarma.

⁴ Ônov mba Yavan yô, ka: Elisha man Tarshishi man Kitim man Dodanim.

⁵ Ka ken ve man ityar i hen kpezegemnger i akuraior gba paven ityar ve kposo kposo, hanmô a zwa u nan, sha icombor ve man akur a ve ye.

⁶ Ônov mba Ham yô, ka: Kushi man Miseraim man Puti kua Kanaan.

⁷ Ônov mba Kushi yô, ka: Seba man Havila man Sabeta man Raama kua Sabateka; man ônov mba Raama yô, ka: Sekeba man Dedan.

⁸ Kushi mar Nimrodi; ka un je hii lun nomor sha tar ye.

⁹ Un lu ortato u ageegh sha ishigh ki TER; ka nahan man i ver ishor je er: Bee Nimrodi ortato u ageegh sha ishigh, ki TER, ye.

¹⁰ Mhii u tartor na yô, lu sha Babel man Ereki man Akada man Kalne ken tar u Shinar la.

¹¹ Ka ken tar la a due a yem ken Ashiria ye; a za maa Ninive man Rehoboti-ir man Kala,

¹² man Resen, hen harga u Ninive vea Kala, ka zegegar shon je la.

¹³ Miseraim gema mar Ludim man Anamim man Lehabim man Nafetuhim

¹⁴ man Peterushim man Kaseluhim—ka ken mban Mbafiliti due ye—man Kafetorim.

¹⁵ Kanaan mar wan na u iunda Shidon, man Heti

¹⁶ man Mbayebushi man Mbaamor man Mbagirgashi

¹⁷ man Mbahivi man Mbaarki man Mbashini

¹⁸ man Mbaarvadi man Mbaasemari man Mbahamati; ken masetyô la, icombor i Mbakanaan samber.

¹⁹ Man shi ikighirtar i Mbakanaan, hii hen Shidon kura yem ken ian i Gera zan zan za nyôr ken Gasa; man hii ken Gasa kura yem ken ian i Sodom man Gomora man Adema man Seboim zan zan za nyôr ken Lasa.

²⁰ Mban ka ônov mba Ham sha icombor ve man ijô ve man ityar ve man akur a ve je ne.

²¹ Shem, anngô u Yafeti, u vesen, ter u ônov mba Eber cii, un kpaa mar ônov.

²² Ônov mba Shem yô, ka: Elam man Ashur man Arpakeshadi man Ludi kua Aram.

²³ Ônov mba Aram yô, ka: Ushi man Hul man Geter kua Masha.

²⁴ Arpakeshadi mar Shela, man Shela gema mar Eber.

²⁵ Eber mar ônov mba nomso uhar, u môm la iti na er Pelegi; gadia ka sha ayange na la ior pav sha ityar ityar ye; iti i anngô na er Yokotan.

²⁶ Yokotan mar Almodadi man Shelefi man Hasar-maveti man Yera

²⁷ man Hadoram man Usal man Dikela

²⁸ man Obal man Abimael man Sekeba

²⁹ man Ofir man Havila kua Yobabi. Mban cii lu ônov mba Yokotan.

³⁰ Ijiir i teman ve hii hen Mesha kura yem hen Sefar, uwo u sha ityoughkitaregh la.

³¹ Mban ka ônov mba Shem sha icombor ve man ijô ve man ityar ve man akur a ve je ne.

³² Ka icombor i ônov mba Noa sha ikov ve ken akur a ve je; ka ken i man akuraior a pav sha tar zum u mngerem ma deemee bee la ye.