Anzaakaa 5 - ICIGHAN BIBILO

¹ Wan wam ver ishima sha kwaghfan wam, ver ato sha mkav wam,

² sha er ú kusu m-er u sha inja, man zwa wou kpaa ú kura mfe.

³ Gadia ityumbuzwaagh i kwase u u fe nan ga la, ngi nende er anende a ikpayough nahan, man zwa u nan kpaa hemba leghem a mkurem,

⁴ kpa mkur u nan yô, yua er kon u yuan nahan, er sanker u esen akur ahar nahan.

⁵ Angahar a nan nga senen shin ku, a-aven a angahar a nan a kôr gbenda u zan shin Sheol.

⁶ Sha er u̱ de zough a gbenda u uma ga yô, igbenda i nan kaha sha mtsum, man u fatyô u fan i ga kpaa.

⁷ Yô, ne ônov, ver nen ato her a mo, de undun nen kwaghôron u sha zwa wam ga.

⁸ Kporom a gbenda wou ca a nan, de kporom hen hunda u ya u nan kpaa ga,

⁹ sha er u̱ de gem icivir you u̱ na mbagenev ga, man u̱ de gem anyom a ou kpaa u̱ na or u vihin ishima ga yô;

¹⁰ sha er mbavanava ve̱ de iden sha agee ou ga, tom wou u ican kpaa, u̱ de nyer hen ya u or u nongo ugen ga yô;

¹¹ man sha ayange a ou a masetyô, ú gba toghol, zum u inyam you man iyol you ia kunde la;

¹² nahan ú kaa wer: Kpe ahi! lu m venda mkôôm, ishima yam kpaa laha myange;

¹³ m ungwa imo i mbatesen av ga, mba ve tesen mo kwagh kpaa m ver ato hen ve ga!

¹⁴ Shi ciôn tsô ma m gbe ken ifer cii, ken atô u mkohol u icighannongo la.

¹⁵ Kese mngerem shin zuar wou iyol you, ma, man mngerem ma kuwan kpaa shin ijôr you.

¹⁶ Doo u ambor a ou a̱ iv a̱ haa inya a̱ samber ken wono, uikuwanmbamngerev ou kpaa ve̱ samber sha ityembeya?

¹⁷ De, ve̱ lu sha ci wou iyol you tseegh, i̱ de lu sha ci wou a mbavanava imôngo ga.

¹⁸ Imbor you i̱ lu a iveren, ember kwase wou u sha uye la:

¹⁹ ashim u doon ishima, morya u doon kenger; de atumba na a̱ kuma u sha ashighe cii; gba ken imeen i dooshima na gbem.

²⁰ Inja na nan man u gbe ken imeen i kwase ugene, wan wama, man u kuv kwase u u fe nan ga yôô?

²¹ Gadia aeren a or nga sha ashe a TER, ka A kar igbenda i nan cii.

²² Aferakaa a iferor aa kôr nan, ikor i isholibo i nan ia kange nan.

²³ Nana kpe sha ci u mban u ityesen; man sha zegeibume u nan la, nana tsume.