2 Samuel 15 - ICIGHAN BIBILO

¹ Tsô ken masejime la, Abesalom ver ikyekye kua anyinya sha ci na, man ior akunduahargber mba ve zaan un sha hemen ayem.

² Shi Abesalom a mough pepe a tile hen gbenda hen hundagar; nahan aluer hanma or nana va ijir i yilan hen tor yô, Abesalom a yila nan, a pine nan er: U ngu or u ken hanma gara? Nan kaa er: Wanakiriki wou ka u ken kwe ugen u Iserael.

³ Nahan Abesalom, a gema a kaa a nan er: Nenge, kwaghôron wou doo, ka u mimi kpaa; nahan kpaa tor ver ma or u nana wa u iko ga.

⁴ Abesalom a shi a kaa er: Kpash! Ma i verem orjir ken tar ne sha er hanma or u nan lu a ijir i yilan shin kwagh u ijirigh nana̱ va her a mo, mo me ôr nan ijir sha mimi.

⁵ Tsô, or u nana kporom sha u nana gure nana civir un yô, a za uwegh a kôr nan, a suse nan zwa.

⁶ Kape Abesalom eren a Iserael cii mba ve vaan hen tor sha u a̱ kure ve ajir la; nahan tsô Abesalom ngohol nomsombaiorov mba Iserael asema.

⁷ Tsô anyom nga kar anyiin yô, Abesalom kaa a tor er: Shi rumun, m̱ za, m̱ za kure iceghzwa yam i m tsegh a TER er m lu hen Heberon la.

⁸ Gadia wanakiriki wou tsegha zwa er m lu ken Geshur u Shiria la je, m kaa mer: Aluer TER Una hide a mo ken Yerusalem mimi je yô, nahan me civir TER.

⁹ Tor kaa a na er: Yô, za doo doo. Tsô a mough a za ken Heberon.

¹⁰ Shi Abesalom tindi mbamkerev ken ikwe i Iserael cii, kaa er: Shighe u nea ungwa korough ku tôngon yô, kaa nen ner: Abesalom ka tor ken Heberon.

¹¹ Nomsombaiorov deri uhar due ken Yerusalem gba zan a Abesalom imôngo; i lôhô ve, ve za abu, ve fa ma kwagh sha mi ga.

¹² Er Abesalom lu nan nagh la, a tindi i za yila Ahitofel Orgilo, or u henen kwagh a Davidi, ken gar na Gilo. Mzoughzwa la taver, gadia ior lu seer a seer van hen Abesalom gbem.

¹³ Tsô ortyom ugen va hen Davidi va kaa er: Asema a ior mba Iserael hide hen Abesalom.

¹⁴ Nahan Davidi gema kaa a mbayev nav mba ve lu a na ken Yerusalem la, er: Mough, sé yevese nen; gayô, mô wase nana war sha ikev i Abesalom ga; mough nen fefa, sha er a̱ de va himbir se fese, a̱ eren se kwagh u bo, a̱ hemba gar sha zwa u sanker ga.

¹⁵ Tsô mbayev mba tor kaa a tor er: Nenge, mbayev ou wa iyol kegh a kegh sha u eren hanma kwagh u a doo ter wase tor yô.

¹⁶ Nahan tor due, ior nav cii cir sha a na. Tor undu kasev mba sha uika pue, sha u ve̱ kuran ya yô.

¹⁷ Tsô tor due, ior cii cir un ijime, ve za ngôôr hen iyou i mase shin kpe la.

¹⁸ Mbayev nav kar un sha hemen cii. Mbakereti cii man Mbapeleti kua Mbagati cii, lu ior deri ataratar mba ve va a na ityô hen Gati yô, ve kar, ve hemen tor.

¹⁹ Tsô tor kaa a Itai Orgati er: Ka nyi we kpaa u ze a vese imôngoo? Hide za lu a tor; gadia u ngu shiror, u undu tar wou, hide hen ijiir you.

²⁰ Gadia ka nyen tsô u va ye, nahan nyian maa me er u u̱ hingir u zenden a vese imôngo wue wue, er mo kpaa m fe henpe m ze ga nee? Yô, we, cin hide, hide a angbianev ou kpaa; mhôônom ma zungwen kua mimi ve̱ lu a we.

²¹ Kpa Itai gema kaa a tor er: Er TER a lu u uma ne, man er terem tor kpaa a lu uma, mimi je, henpe terem tor una lu la, shin a lu ku shin a lu uma, ka heregh wanakiriki wou kpaa una lu ye.

²² Tsô Davidi kaa a Itai er: Yô, kar sha hemen. Tsô Itai Orgati la kar sha hemen a ior nav cii, kua mbayev mba kiriki mba ve lu a na imôngo cii.

²³ Tar la cii ger mliam ding; ior cii gba karen; tor kpaa per ifi u Kederon, ior cii per gba yemen veren ishigh sha ikôngo.

²⁴ Tsô Sadoki kpaa za va a Mbalevi a na imôngo, ve tôô areki u ikuryan u Aôndo; ve shir areki u Aôndo—Abiatar kpaa za va-zan zan ior kar duen ken gar cii.

²⁵ Nahan tor kaa a Sadoki er: Hide a areki u Aôndo ken gar; aluer a̱ doo TER a mo yô, Una hide a mo, shi Una er, me nenge a na kua ijiir na kpaa;

²⁶ kpa aluer Una kaa er: Doom a we ga yô, nahan mo m ngun, A̱ gba eren a mo sha ishima Na tsô.

²⁷ Tor shi kaa a pristi Sadoki er: U ngu ornengen kwagh u ken hemen gaa? Yô, hide ase ken gar doo doo hide kua ônov ou mba uhar, Ahimaashi wan wou man Yonatan wan u Abiatar kpaa.

²⁸ Nenge, me ngôôr ken ahongo a ken desereti, zan zan loho ua due hen a ven, ua va kaam.

²⁹ Tsô Sadoki vea Abiatar ve tôô areki u Aôndo ve hide a mi ken Yerusalem; maa ve tema keregh.

³⁰ Tsô Davidi gba kôndon sha gbenda u unden sha uwo u Olev la, lu vaan unden, a yisa ityough nagh, lu yemen, lu a akôv shin angahar ga; ior mba ve lu a na imôngo cii ve yisa ityough vev seer seer, ve lu kôndon vaan yemen.

³¹ Er i va kaa Davidi er: Ahitofel kpaa ngu a mba ve zough zwa a Abesalom la imôngo yô, Davidi kaa er: TERE, shi gema mhen u Ahitofel, a̱ hingir ibumegh.

³² Tsô, er Davidi unde sha igungu henpe i civir Aôndo la yô, nenge, Hushai Orarkiti va kegh un gbenda, a ianden riga iyol, lu a inya sha ityou kpaa.

³³ Davidi kaa a na er: Aluer wea za a mo imôngo yô, ú va hingir mo ikav mbi yuhwan tsô;

³⁴ kpa aluer ú hide ken gar, ú za kaa a Abesalom wer, me hingir wanakiriki wou tor; er m vande lun wanakiriki u teru nahan, kape me gema me lu wanakiriki won hegen ne; nahan yô, ú bundem mhen u Ahitofel la.

³⁵ Upristi Sadoki kua Abiatar mba a we imôngo keela gaa? Nahan yô, hanma kwagh u wea ungwa hen ya u tor yô, ú kaa upristi Sadoki kua Abiatar.

³⁶ Nenge, ve mba a ônov vev mba nomso uhar la Ahimaashi wan u Sadoki kua Yonatan wan u Abiatar; ka sha ikev ve je, man né tindim loho sha hanma kwagh u ne ongo cii ye.

³⁷ Nahan Hushai, ikar u Davidi, nyôr ken gar zum u Abesalom kpaa lu nyôron ken Yerusalem la.