2 Mbakorinte 10 - ICIGHAN BIBILO

¹ Mo Paulu iyol yam m ngu zamber a ven sha ishima i legh legh man ishima i sar sar i Kristu, mo u m lu or u cian kwagh sha ishigh yenegh zum u m lu a ven la, kpa ka mea lu a ven her ga yô, m hingir u cihin kwagh.

² M ngu zamber a ven mer, zum u me va her a ven yô, i̱ de gbe u me cihi kwagh sha vangertiôr u m ver ishima mer, me norom ikaa a mba ve nengen er se mba zenden sha inja i iyolough la ga.

³ Gadia shin er se lu zenden ken iyol nahan kpaa, se mba nenge ityav sha inja i iyolough ga.

⁴ Gadia ikav mbi utyav yasev ka mbi iyolough ga, kpa ka mbi ageev sha ishigh ki Aôndo sha ci u yôhôl ayou a utya,

⁵ man sha ci u vihin mbamhen kera man shi hanma kwagh u taven u i kende a mi sha, sha u yisan kwaghfan u Aôndo; se mba haan hanma mhen abata sha u a̱ wa Kristu iko.

⁶ Se kohol iyol u tsahan hanma ihembeato zum u iko yen i wan ia kuma vough. Nenge nen kwagh u a lu ne sha ishi bong ne.

⁷ Aluer or nana fa dedoo er nan ngu kwagh u Kristu yô, nana̱ shi nana̱ hen kwagh ne iyol i nan nahan er, er nan lu kwagh u Kristu yô, se kpaa kape se lu la.

⁸ Tahav asev mbu Ter A ne se sha u maan ne a maa i kera lu u yôhôl a yôhôl ga la, aluer m ngu tan ihagh sha mi yum kpaa, me ya kunya ga.

⁹ I̱ de been er m ngu tan ne a ta mciem iyol sha uwashika ga.

¹⁰ Gadia mba kaan er uwashika nav yô, mba norom sha kwagh, shi ve taver kpaa, kpa u nengen a na sha ashe yô, ka iurenor, kwaghôron na kpaa ka u ikoogh ga.

¹¹ Ambaaior a kaan nahan ne yô, ve fa er kwagh u se ôron ken uwashika zum u se lu ga la ka un je se eren zum u ka sea lu her kpaa ye.

¹² Gadia se mba cihin u wan ayol ase ken mbagenev mba ve lu wuese ayol a ve la ga, shin u karen ayol a ase sha a ve tsô kpaa ga. Mba eren gesa ayol a ve, mba karen ayol a ve hen ayol a ve, mba kaven kwagh ga.

¹³ Kpa se yô, sé ta ihagh á kar ikaa inya ga, kpa sé kighir sha ikighir i Aôndo A ver se i ne kpaa ne lu ker la.

¹⁴ Se mba henen ser á bunde se u aren ken ven ga nahan se mba naregh ave gande ikaa inya ga gadia kera je kpaa se vande nyôron a Loho u Dedoo u Kristu ken a ven.

¹⁵ Se mba karen ikaa inya ga, se mba tan ihagh sha tom u mbagenev ve eren tsung la kpaa ga, kpa m ngu veren ishima mer, er jighjigh u nan wen una seer yô, ian yase i ken a ven kpaa ia seer,

¹⁶ sha u sé ôr Loho u Dedoo ken ityar i i dondo a ven la kpaa yô, sé kera ta ihagh sha tom u i er ken ian i orgen la ga.

¹⁷ Or u nan te ihagh yô, nana̱ ta ihagh ken Ter.

¹⁸ Gadia ka or u nan wuese iyol i nan la man á rumun nan ga, kpa ka or u Ter A wuese nan la.