1 Kroniku 7 - ICIGHAN BIBILO

¹ Ônov mba Isakar yô, lu: Tola man Pua man Yashubi man Shimeron, ve lu unyiin.

² Ônov mba Tola yô, lu: Ushi man Refaia man Yeriel man Yahemai man Ibesam man Shemuel, mbavesen mba sha uya mba uter vev; ka ior mba Tola je la, ka anomaior a ageegh ken ikov ve; sha ayange a Davidi la, ve kuma ior dubu ikundu kar uhar man deri ataratar.

³ Ônov mba Ushi yô, lu Iserahia; ônov mba Iserahia yô, lu; Mikael man Obadia man Yoel man Ishia, ve lu utaan; ve cii ve lu uityombaiorov;

⁴ man akumautya lu a ve imôngo sha ikov ve sha uya mba uter vev; ve lu ior dubu ikundugber kar ataratar; gadia ve lu a kasev man ônov kpishi.

⁵ Anmgbianev vev kpaa, mba ve lu ken icombor i Isakar la cii, ve lu anomaior a ageegh, lu ior dubu akunduanyiin kar utaankaruhar, ka iyenge ve i sha takerada u icombor ve je la.

⁶ Ônov mba Benyamin yô, lu: Bela man Beker man Yediael, ve lu utar.

⁷ Ônov mba Bela yô, lu: Esebon man Ushi man Ushiel man Yerimoti man Iri, ve lu utaan; ka uityombaiorov mba sha uya mba uter, anomaior a ageegh; iyenge ve sha takerada u icombor ve lu ior dubu ikundu kar uhar ior kar ikundugber kar unyiin.

⁸ Ônov mba Beker yô, lu: Semira man Yoashi man Elieser man Elioenai man Omri man Yeremoti man Abiya man Anatoti man Alemeti.

⁹ Mban cii lu ônov mba Beker; iyenge i sha takerada u icombor ve, sha ikov ve, uityombaiorov mba sha uya mba uter vev, anomaior a ageegh, lu ior dubu ikundu man deri uhar.

¹⁰ Ônov mba Yediael yô, lu Bilhan; man ônov mba Bilhan yô, ka: Yeushi man Benyamin man Ehudi man Kenaana man Setan man Tarshishi man Ahishahar.

¹¹ Mban cii ka ônov mba Yediael uityombaiorov mba sha uya mba uter vev, anomaior a ageegh, lu ior dubu pue kar utaankaruhar man deri uhar mba ve zaan a akumautya imôngo yô.

¹² Shupim man Hupim kpaa lu ônov mba Ir; Hushim lu ônov mba Aher.

¹³ Ônov mba Nafetali yô, lu: Yahashiel man Guni man Yeser man Shalum, ônov mba Bila.

¹⁴ Ônov mba Manase yô, lu: Aseriel u kwase na u sha uika wan u Aram mar yô (a mar Makir ter u Gileadi;

¹⁵ Makir er kwase ken Hupim man Shupim, iti i anngô na u kwase er Maaka), iti i u sha uhar er Selofehadi; Selofehadi lu a ônov mba kasev.

¹⁶ Maaka kwase u Makir mar wan u nomso, a ii un iti er Pereshi; man iti i anngô na er Shereshi; ônov nav yô, ka Ulam man Rakem.

¹⁷ Ônov mba Ulam yô, lu: Bedan. Mban lu ônov mba Gileadi wan u Makir, wan u Manase.

¹⁸ Anngô na u kwase Hamoleketi mar Ishehodi man Abieser kua Mahela.

¹⁹ Ônov mba Shemida yô, lu: Ahian man Shekem man Likehi kua Aniam.

²⁰ Ônov mba Eferaim yô, lu: Shutela, wan na Beredi, wan na Tahati, wan na Eleada, wan na Tahati,

²¹ wan na Sabadi, wan na Shutela, wan na Eser kua Eleadi; ior mba Gati mba i mar ve ken tar la wua ve sha ci u ve sen sha u va kuran ve ilev yô.

²² Tsô Eferaim ter ve zungwe ku ve ayange kpishi, nahan anmgbianev nav va sur un ishima.

²³ A yav a kwase na, a wa iyav a mar wan u nomso, a ii un iti er Beria, gadia lu shighe u ican tser ya na la.

²⁴ Wan na u kwase lu Sheera, a maa Bete-horon u Shin man u Sha, kua Usen-sheera.

²⁵ Refa lu wan na, wan na Reshev, wan na Tela, wan na Tahan,

²⁶ wan na Ladan, wan na Amihudi, wan na Elishama,

²⁷ wan na Nun, wan na Yosua.

²⁸ Akaa ve man ajiir a ve a teman yô, lu Betel kua agar a na; vegher u sha ityoughkitaregh yô, lu Naaran; vegher u shin ityôtar yô, lu Geser man agar a na, man Shekem kua agar a na zan zan za ar hen Aya man agar a na;

²⁹ man hen akighiratar a Manase yô, lu Bete-shean kua agar a na, man Taanaki kua agar a na, man Megido kua agar a na, man Dor kua agar a na. Ken angan, ônov mba Yosev wan u Iserael ve tema ker.

³⁰ Ônov mba Asher yô, lu: Imna man Isheva man Ishevi man Beria, kua Sera anngô ve u kwase.

³¹ Ônov mba Beria yô, lu: Heber man Malkiel; un lu ter u Birsaiti.

³² Heber mar Yafeleti man Shomer man Hotam, kua Shua anngô ve u kwase.

³³ Ônov mba Yafeleti yô, lu: Pasaki man Bimhal man Ashevati. Ka ônov mba Yafeleti je la.

³⁴ Ônov mba Shemer yô, lu: Ahi man Roga man Yehuba man Aram.

³⁵ Ônov mba Helem anngô na yô, lu: Sofa man Imna man Sheleshi man Amal.

³⁶ Ônov mba Sofa yô, lu: Sua man Harnefer man Shual man Beri man Imra;

³⁷ Beser man Hodi man Shama man Shilesha man Iteran man Beera.

³⁸ Ônov mba Yeter yô, lu: Yefune man Pisepa man Ara.

³⁹ Ônov mba Ula yô, lu: Ara man Haniel man Rishia.

⁴⁰ Mban cii ka ônov mba Asher, uityombaiorov mba sha uya mba uter, uicuwanmbaiorov, anomaior a ageegh, mbahemenev mba atiator. Iyenge ve i i nger ken takerada u icombor sha ci u tom u utya yô, lu ior dubu ikundu kar ataratar.