1 Kroniku 2 - ICIGHAN BIBILO

¹ Ônov mba Iserael ka: Ruben man Simeon man Levi man Yuda man Isakar man Sebulon

² man Dan man Yosev man Benyamin man Nafetali man Gadi kua Asher.

³ Ônov mba Yuda yô, lu: Er man Onan kua Shela; mba utar mban a mar ve a wan u Shua wan u Kanaan; Er, wan u iunda u Yuda lu iferor sha ishigh ki TER, nahan A wua un kera.

⁴ Tamar, kwase u wan na, mar un Perese man Sera. Ônov mba Yuda cii lu utaan.

⁵ Ônov mba Perese yô, lu: Heseron man Hamul.

⁶ Ônov mba Sera yô, lu: Shimeri man Etan man Heman man Kalkol kua Dara; ve cii ve lu utaan.

⁷ Ônov mba Karmi yô, lu: Akar, or u a er Iserael ican la, gadia a nzughul kwagh sha kwagh u i te icin sha mi yô.

⁸ Man ônov mba Etan yô, lu: Asaria.

⁹ Ônov mba Heseron mba a mar yô, lu: Yerameel man Ram man Kelubai.

¹⁰ Ram mar Aminadabi; man Aminadabi mar Nashon, ityoor u ônov mba Yuda;

¹¹ Nashon mar Salma, man Salma mar Boashi,

¹² man Boashi mar Obedi, man Obedi mar Yese;

¹³ Yese mar wan na u iunda Eliabi man idyondon na Abinadabi man Shimea lu u sha utar,

¹⁴ Netanel lu u sha unyiin, Radai lu u sha utaan,

¹⁵ Osem lu u sha ataratar, Davidi lu u sha utaankaruhar;

¹⁶ man anngôôv vev mba kasev yô, lu: Seruya man Abigail. Ônov mba Seruya yô, lu: Abishai man Yoabi man Asahel; ve lu utar.

¹⁷ Abigail mar Amasa; ter u Amasa yô, lu Yeter Orishemael.

¹⁸ Kalebu wan u Heseron mar ônov a kwase na Asuba man a Yerioti; ônov nav yô, lu: Yesher man Shobabi kua Ardon.

¹⁹ Zum u Asuba kpe kera yô, Kalebu za er Eferata, a mar Hur a na.

²⁰ Hur mar Uri, man Uri gema mar Besalel.

²¹ Ken masetyô la, Heseron yav a wan u Makir ter u Gileadi; a lu anyom akunduatar zum u a er un la; a mar Segubi a na.

²² Segubi mar Yair; un lu a agar ikundu kar atar ken tar u Gileadi.

²³ Geshur man Aram ngohol agar a Yair her a ve, man Kenati kua angarev vev kpaa; lu agar akunduatar. Ve cii ve lu ônov mba Makir ter u Gileadi.

²⁴ Ken masetyô u Heseron kpe kera ken Kalebi-Eferata yô, kwase u Heseron, Abiya, mar Ashur ter u Tekoa.

²⁵ Ônov mba Yerameel, waniunda u Heseron la, lu: Ram waniunda, man mbadondon sha a na ka: Buna man Oren man Osem kua Ahiya.

²⁶ Yerameel lu a kwase ugen kpaa, iti na er Atara; a lu ngô u Onam.

²⁷ Ônov mba Ram, waniunda u Yerameel, lu: Maasa man Yamin kua Eker.

²⁸ Ônov mba Onam lu: Shamai kua Yada. Ônov mba Shamai yô, lu: Nadabi kua Abishur.

²⁹ Iti i kwase u Abishur yô, er Abihail; a mar Aban kua Molida a na.

³⁰ Ônov mba Nadabi yô, lu: Seledi kua Apaim; kpa Seledi yô, kpe atseen.

³¹ Ônov mba Apaim yô, lu: Ishi. Ônov mba Ishi yô, lu: Sheshan. Ônov mba Sheshan yô, lu: Alai.

³² Ônov mba Yada, anngô u Shamai yô, lu: Yeter kua Yonatan; kpa Yeter kpe atseen.

³³ Ônov mba Yonatan yô, lu: Peleti man Sasa. Mban ka ônov mba Yerameel.

³⁴ Sheshan yô, lu a ônov mba nomso ga, saa mba kasev tseegh. Sheshan lu a wanakiriki, lu or u Igipiti, iti na er Yarha.

³⁵ Sheshan na Yarha wanakiriki na la wan na u kwase, a er: a mar Atai a na.

³⁶ Atai mar Natan, Natan gema mar Sabadi,

³⁷ Sabadi mar Efelal, Efelal gema mar Obedi,

³⁸ Obedi mar Yehu, Yehu gema mar Asaria,

³⁹ Asaria mar Helese, Helese gema mar Eleasa,

⁴⁰ Eleasa mar Shisemai, Shisemai gema mar Shalum,

⁴¹ Shalum mar Yekamia, Yekamia gema mar Elishama.

⁴² Ônov mba Kalebu, anngô u Yerameel, lu: Mesha wan na u iunda (a lu ter u Shiv) man ônov mba Maresha, ter u Heberon.

⁴³ Ônov mba Heberon yô, lu Kora man Tapua man Rekem kua Shema.

⁴⁴ Shema mar Raham ter u Yorkeam; man Rekem mar Shamai.

⁴⁵ Wan u Shamai yô, lu Maon; Maon lu ter u Bete-sur.

⁴⁶ Efa, kwase u Kalebu u sha uika, mar Haran man Mosa man, Gasese; Haran mar Gasese.

⁴⁷ Ônov mba Yahedai yô, lu: Regem man Yotam man Geshan man Peleti man Efa kua Shaav.

⁴⁸ Maaka kwase u Kalebu u sha uika mar Shebar man Tirham.

⁴⁹ Shi a mar Shaav ter u Mademana, man Sheva ter u Makebena, man ter u Gibea; man wan u Kalebu u kwase yô, lu Akesa.

⁵⁰ Mban ka ônov mba Kalebu. Ônov mba Hur, waniunda u Eferata: Shobal ter u Kiriati-yearim,

⁵¹ Salma ter u Betelehem, Harev ter u Bete-gader.

⁵² Shohal ter u Kiriati-yearim yô, lu a ônov mba nomso: Haroe man kwe u Menuhoti.

⁵³ Icombor i Kiriati-yearim yô, lu: Mbaiteri man Mbaputi man Mbashumati man Mbamishera; ka hen ve Mbasorati kua Mbaesetaol ve due ye.

⁵⁴ Ônov mba Salma yô, lu Betelehem man Mbanetofati man Ateroti-bete-yoabi man kwe u Mbamanahati man Mbasori.

⁵⁵ Icombor i mbangerentakerada man mba ve tema hen Yabeshi yô, lu Mbatirati man Mbashimeti kua Mbasukati. Mban ka Mbakeni mba ve due ken Hamati, ter u ya u Rekabi.